Nl. Jenny in hna thar

Nl. Jenny Zodinpuii pawhin Jan 2 khan a hna thar a zawm fel ta. Jenny thawhna thar Tan Tock Seng hospital hi Singapore a sawrkar hospital lar bera ngaih a ni. Hman deuhva SARS a len vak lai pawh khan he hospital hi damlo enkawlna hmunpui niin hming a chher hle.

Mizo pung zel

Singapore ah mizo kan pung zel. Pu Malsawmtluanga pawh a nupui leh a fapain an rawn zawm ve leh ta. Ti hian Singapore mizoten naupang pali lai kan nei ve ta a ni. Tin tunkar thawhtanni khan Aizawl Chanmari atangin Nl.Lalchhandami (Damteii) chuan dam takin Singapore a rawn thleng chho bawk. Nl.Damteii hian NUS a School of Medicine hnuaia Physiology department ah Ph.D a bei dawn a ni. Kal tharte Singapore mizo ten kan lawm ache u.

Singapore Mizoten Kumthar Hlim Takin Hmang

Singapore Mizo Christian Fellowship chuan kumthar lawmna hlimawm tak Japanease Garden, Seiwaen, Singapore-ah kan hmang a ni. Mi 75 zet kan kalkhawm thei a ni. Kan kumthar lawmna hmun hi Open Hall a ni a. Pathian biak inkhawm bakah intihhlimna hliawm tak kan nei a. Kum 2009 atana MCFS hruaitu ten charge an la nghal a. Ruai tui tak kan theh bawk a ni. Kan kumthar lawmna inkhawm hi Pu C. Vanlalramsanga (MCFS Adviser) in min kaihruai a, Revd C. Vanlalhruaia, kan adviser pa kumthar hmang tura lokal hnen atangin thuchah kan ngaithla a, Pastor K. Lalrinkima'n kum 2009 hruaitute charge hlanna leh tawngtaisakna a nei bawk a ni. Ruai tui tak kan kilho hnuah Intihhlimna hun hlimawm tak kan hmang zui a. Intihhlimna hun hi Pu F. Vanlalhruaia (MCFS Chairman) leh Tv Biakhmingthanga (MCFS Secretary) in hneh takin min kaihruai a, zai mawi tak tak kan ngaithla bawk a ni. MCFS kumthar lawmna hi khamlo takin tlailam dar 5 vel khan kan titawp a, khamlo zual mi thahnem takin zai leh lam in hun an hmang zui nghe nghe a ni. Kum 2009 kan zavai tan malsawmna leh vanneihna kum lo ni mawlh rawhse.

Kan hlim tlang hle...

Kan vaiin....

Kumthar chibai kan inbuk tawn vek a....

Ruai kan theh a...

Line pawh a thui ve hle...

Tui kan ti tlang hle....

Games hun hlimawm tak kan nei zui a....

A hnek a hnek chi te....

Balhla ei te....

Baloon ham te.....


Kan hlim tlang hle....

Kan tel kim hle...

A then chuan ban hnuah pawh zai an chhunzawm zel a...

Singapore Mizo Christian Fellowship - Christmas Celebration 2008

Singapore Mizo Christian Fellowship chuan Christmas lawmna hlimawm tak vawiin khan Singapore Botanic Garden, Function Hall-ah ruai nen hlim takin kan hmang a ni. Christmas lawmnaah hian za chuang zet kan kal khawm a. Kan programme tawp dawn lamah Mizoram lam atanga hospitality management zir tur a lo thleng thar mi 20 zetin min rawn zawm thei bawk a kan lawm in kan hlimtlang hle a ni. Christmas lawmna inkhawm hi Rev K. Lalrinkima'n min kaihruai a, Christmas thuchah tha tak a hnen atang hian kan ngaithla bawk a ni. Pathian biak inkhawm hi dar 11 AM ah kan tan a. Inkhawm zawh-ah ruai tui tak kan eiho a, intihhlimna leh gift exchange kan nei zui nghal bawk. Zaithiam tak tak-in Christmas lawm a kal te min awi a. Mipui pawhin Chirstmas hla tui takin kan sa dup dup a ni. Kalkhawm zawng zawng te mitin Christmas chibai inbuak tawnin, khawm lo takin kan hun chawhnu lam dar 4 vel khan kan ti tawp ta a ni. Hun tawp hnu hian mi engmawzat chuan Botanic Garden-ah zirlai lothleng thar te an lenkualpui zui a, tlai khua a lo thim tak avangin khamlo takin Kumthar lawmna 'Chinese Garden' lama inhmukhawm leh turin tin zai kan rel ta a ni. Thlalak thenkhat lo thlir ve ula.

Mizo lehkhazir tur lo thleng

Nimin Dec 22 2008 chhun dar 11:30 khan Mizoram atanga lehkha zir tura lokal mi 20 te chuan Singapore an lo thleng. Changi airport ah kan hruaitu thenkhatten an lo va hmuak a, mahse an zirna buaipuitute lamin bus nen lo hmuakin a huhovin an awmna tur lamah an hruai ta hlawm. Vawiin khan medical test te neiin buaipui tul ang ang an buaipui nghal bawk. An awmna address kimchang kan la dawng chiah lo. Tluang taka an lo thlen theih avangin kan lawmin Singapore Mizo ten inlawmna chibai kan lo buk e.

Remthu Leng Rawh Se

La Isua he khawvela a lokal khan van mipui te chuan, "Chungnung berah Pathian ropui takin awm rawh se, lei chunga a lawm em em mihringte hnenah remthu leng rawh se," an ti a. Berampu ten an beramte venga phula an riahchilh laiin heng van mipui te zai hi an lo hria a ni.

Krismas hi remna ni a ni a. Pathian leh suala tlu tawh mihringte inremna siamtu Lal Isua pian ni a ni. Lal Isua piang hian chu remna chu a rawn puang chhuak a, mihringte hi suala tlu tawh ni mah ila Pathian 'lawm em em' kan la ni a, kan la hlu hle tih a lang. Mahse chu kan hlutna chu kan hmang tangkai lova, min siamtu leh min hmangaih em em tu Pathian rilru tihnat nan kan hmang ta zawk thin. Fate sual leh thuawih lohvin nu leh pa rilru na lo tunge awm ngai le?

Engtinnge krismas tak tak kan hman theih ang? A lawmna hi nge pawimawh a mimal tin ten Lal Isua kan zuina kawnga hma kan sawnna zawk hi? Krismas hi inremna ni atan hmang ila. Inrem lohna nei zwng zawng te pawhin kan inremlohna te paih bovin Isua remna lal chauh enin inremna i zawng theuh teh ang. He remna a thlenna tur hian thil pahnihpawimawh tak tak a awm. Pakhatnaah chuan tlawmna. He tlawmna hi mihring hmaa tlawmna ni satliah mai lo Pathian hmaa tlawmna a nih a ngai. A dang lehah chuan mahni inphatna. Mahni inphat tur chuan keimahnia 'mahni' dah hmasakna hi kan paih bo a tul a, chan leh hloh huama ke pen a ngai bawk.

Lal Isua remna lal hi kan thinlung bawng inah lo piang theuh rawh se.

Singapore Mizo Christian Fellowship Christmas leh Kumthar Lawmna Programme

Singapore Mizoten hlim leh lawm taka Christmas leh Kumtar kan hman theihnan kan hotuten hma an la chur chur reng a, programme pawh mumal taka a hnuai a mi ang hian duan a ni ta:

.

Christmas Programme:

.

A hmun: Singapore Botanic Garden Function Hall

Tan hun: 11:00 AM

Hruaitu & Thuchah: Rev. K. Lalrinkima

Intihhlimna & Gift Exchange: Pu Lalrengpuia & Pu Valbuanga

Ei leh In i/c: Pu F.V.L. Hruaia, Pu Valbuanga, Tv Joshua leh Tv Biakhmingthanga

Ruai: 3 - 5 PM

Christmas hmanna hmun info:

http://www.sbg.org.sg/visitorinfo/venueforrent.asp

.

.

New Year Programmme:

A hmun: Chinese Garden

Tan hun: 12:00 Noon

Hruaitu: Pu C. Vanlalramsanga

Thuchah: Rev. K. Lalrinkima

Kum 2009 atana hruaitu thar thlan tharte kutah charge hlan a ni ang.

Ei leh In i/c: Pu Malsawmsanga, Nl. Vanlalhruaii, Nl Rosangliani leh Tv Joshua

Ruai: 2 -4 PM

Kumthar hmanna hmun info:

http://www.jtc.gov.sg/portfolio/gardensandparks/pages/chinesegarden.aspx

.

Kan programme duan lawk ang ngeia hlim taka Christmas leh kumthar lawmna hun kan hman theihnan kan tawngtainaah i hre theuh ang u khai. He hunah hian mikhual leh zinvak tupawh kan sawm vek a ni tih kan in hriattir bawk e.

.

Chirstmas leh Kumthar Chibai ...