Singapore Mizo Christian Fellowship chuan Christmas lawmna hlimawm tak vawiin khan Singapore Botanic Garden, Function Hall-ah ruai nen hlim takin kan hmang a ni. Christmas lawmnaah hian za chuang zet kan kal khawm a. Kan programme tawp dawn lamah Mizoram lam atanga hospitality management zir tur a lo thleng thar mi 20 zetin min rawn zawm thei bawk a kan lawm in kan hlimtlang hle a ni. Christmas lawmna inkhawm hi Rev K. Lalrinkima'n min kaihruai a, Christmas thuchah tha tak a hnen atang hian kan ngaithla bawk a ni. Pathian biak inkhawm hi dar 11 AM ah kan tan a. Inkhawm zawh-ah ruai tui tak kan eiho a, intihhlimna leh gift exchange kan nei zui nghal bawk. Zaithiam tak tak-in Christmas lawm a kal te min awi a. Mipui pawhin Chirstmas hla tui takin kan sa dup dup a ni. Kalkhawm zawng zawng te mitin Christmas chibai inbuak tawnin, khawm lo takin kan hun chawhnu lam dar 4 vel khan kan ti tawp ta a ni. Hun tawp hnu hian mi engmawzat chuan Botanic Garden-ah zirlai lothleng thar te an lenkualpui zui a, tlai khua a lo thim tak avangin khamlo takin Kumthar lawmna 'Chinese Garden' lama inhmukhawm leh turin tin zai kan rel ta a ni. Thlalak thenkhat lo thlir ve ula.
4 comments:
chhuah nalh hlawm khawp mai.
Great SHOT
singapore mizo te nge nge an chhelo hlom hle mai
Christmas chu a nawm hmel bik khawp mai ka ti. Hmingtea (izol)
Post a Comment