Water festival (YaeLongPwe) hunchhung April ni 13,14,15 khan Faith Baptist Church, Maesai, Thailand chuan, Maesai a hnathawka cheng kawl (Burmese) te sawmkhawmin MCF te tanpuina zarah Pathianthu tihtakzeta zirtirna hunthatak kan hmang theia, ahmasain, Pathian hnenah lawmthu kan sawi rualin kan lawmna thu MCF te hnenah pawh kan rawn thlen nghal duh bawk.
Ni 13 atanghian apuiapangin mi 40 vel kanni theia, kan biakinah kan lenglo nghal phawt maia, mahse, Calvary Children Home, Maesai, neitu Mr.Charlie an annaupangte chawlha an haw lai tak anih avangin, an compound chu phal takin hman rem atia, (amahhi hun vawikhat hmangtura sawm ani). Ni 13 hi an children home ah hmangin. Soundbox ringtawka Pathianthu zirna piahlawkah tuiintheh an rik nuaihnuaih avangin, ni 14 chu an chennain ah kanin sawn leh a, ni 15 pawh phaltaka an in a zirtirna hman chhunzawm min phalsak avangin kan hmang chhun zawm bawk, mahse Puitling leh naupang ahranga zirtirna neih ani (naupawm tiamlohin).
Ni 15 chawhnu lamah zawhna kan siama, Kristahi Lal leh chhandamtua pawma, Pathian nung chauh bia tawhtur in intiam kan awmem? Tiin. Camping rawn kal zawngten anin tiamtlat ani tih chhanna kan hmuhin, an/kei mahni siamtu leh neitu kan Pathian hming kan fak takzet ani. Thlarauah an thanlen zel theihnan tawngtaina in tanpui chhunzawm zel an mamawh takzet. Thlalak tlem ka rawn attach e.
MCF te Pathianin awmpui zel rawhse,
In rawngbawl pui,
C.Mewlina Chalthleng.
Faith Baptist Church,Maesai, Thailand
No comments:
Post a Comment