The Rengs
Thihna hi a zalen a.
Tar leh naupang, thalai tan pawh a chan theih vek a.
Mi lianin an pumbilh thei lo va,
Mi rethei ber tan pawh quota hmuh loh a phanawm hek lo.
Rukruin an rawk thei lo va, suamhmangin an chhuh thei na hek lo.
Terrorist-in an bomb darh thei lova,
Magician-te thup bo theih chi pawh a ni lo.
Thlarau miin an chang tam chuang lo va, tawngtaia pumpelh mi a ni bawk lo.
Thihna hi a fair a.
Politician-ten an dang nalah an tawlhthluk tir thei lo va,
Zawlnei der-te vau zam mai mai theih a ni hek lo.
Nu leh pa thuawih-lo pawh a pawm tho va,
Fanu / fapa chhuanvawr a en hrang chuang lo.
Chuvangin thlamuang takin awm rawh.
I chang ve khawp ang.
2 comments:
A dik hle mai.
"Sual man chu THIHNA ..." tiin Bible chuan min kawhhmuh. Thil man hi a to châng, a tlàwm châng a awm châwk —hralh bàng a thlàwna inpèk phal tàk mai chi pawh a awm.
Sual man hi atìr atangin tihtlàwm deuh emaw, chhiar to deuh tih a awm lo —a man a la ngai reng a, "sual man chu THIHNA," a ni tawp mai a ni.
Post a Comment