Pu Sangmama te chhung Batam lamah

Kan adviser Pu Sangmama te chhung pawh Batam Island (Indonesia) lamah holiday hmang turin vawiin hian an liam phei dawn. Ninga niah an lo haw leh ang. Hmanni lawk khan Pi Hannah i te chhungkua pawh Batamah hian holiday hmangin an kal tawh. Batam hi thliarkar te tak te niin zinmite leh holidayers ho tlawh thin hmun nuam tak ani a. Hotel/Resort changkang tak tak a awm nualin a hmunhma pawh a nuam hle. Singapore mi tam tak hian Batamah weekend hman an ching a, thenkhat phei chuan in an luah hawh hial. Singapore atang hian Ferry chak pangngai taka kalin Minute 40-60 (kalna tur point a zirin) a ni. Tui chunga restaurant an sak hmun nuam tak tak te hian fak a hlawh hle thin. Batam thliarkar hi a leilung a mawi hle a, lei a sen mawi hlein lung a var thung a. India rama Meghalaya State-a Jaintia hills nen a leilung a inang khawp mai.

Singaporea House Maid Levy Tam

Singapore ah hian house maid (domestic helper) hi 170,000 vel zet awm anga ngaih a ni a. Chung zinga a tam ber chu Indonesian leh Filipino an ni. Heng house maid ruaitute hian sawrkar hnenah levy thlatin Singapore dollar 300 (tunah tak hian financial crisis avangin SGD 250 ah an tihniam mek) an pe thin. House maid ruaitu hian maid hnena hlawh a pek ang bawr vel sawrkar hnenah chhiah a pe thin tihna a nih chu. Heti anih chuan house maid ruaitute hnen atang ringawt hian sawrkar hian thla khatah Singapore dollar 51,000,000 (maktaduai 51) chhiah a dawng tihna ani ang a. Chu chu India pawisain chantir ila Rs 15,810,000,000 (Vaibelchhe 1581 vel), Mizoram kumkhat budget aia tam a ni tihna a lo ni ang.

Pi Lalnunzawmi, Pastor K. Lalrinkima nupui damtakin Singapore a lo thleng

Pi Lalnunzawmi chu Mizoram atangin ni 7 February 2007 zingkar khan dam takin Singapore a rawn thleng. Kan beisei leh nghahhlel em em Pi Manuni hi Pastor K. Lalrinkima nupuii niin hun engmaw chen awm turin leh an pa PhD thesis 'final touch' hun lai a rawn uap lum tur niin kan lo hria a. Pi Manuni lo thleng hi kan lawm tlang tam meuh meuh a, kim ta hle-ah kan in ngai a ni. Partor K. Lalrinkima hian Trinity Theological College-ah Doctorate a bei mek a, tunah hian a a zo tep tawh a, thesis tuaihnum bak hmabak a nei tawh lo niin kan hria. Thla hnih emaw velah Doctorate degree hmu thei tawh mai tur ni-ah kan ngai. Pi Manuni Singapore hlim taka a lo then theih avangin kan lawmpui em em a, a cham chhungin dam leh hrisel taka a awm kan duhsakin an pa Pastor K. Lalrinkiman a tluang taka 'thesis' a ziah zawh a degree a hmuh thuai theih nan duhsakna kan hlan bawk a ni. Anni hi Singapore Mizo nu leh pa tak tak anni a kan chhuang hle a ni.

Kawng kan motor chilhlum zingah upa lam an tam

Nikum 2008 chhunga Singaporea-a motorin kea kal a chilhlum zawng zawng zinga a chanve chu kum upa lam (senior citizen) an ni. Heng kum upa lam chilhlum mi 28 zinga 22 te hi kawng kan hun lova kan or kal lohna tura kal an ni bawk. 2006 khan kum upa lam chilhlum hi 19 an awm a, 2007 khan 26 a pung chhovin nikum khan 28 an tling ta a ni.

Singapore-ah hian nikum chhung khan lirthei za zelah 6 in a pung a. Ti hian tuna (2009 kumthar statistics) lirthei awm zawng zawng chu 874,969 a ni ta. Mihring cheng hi 2008 chhung vek khan za zelah 5.47 pungin maktaduai 4.87 an tling ta bawk. Nikum chhung khan inhliamna leh thihna thlen road accident zawng zawng chu vawi 8,451 tling a. Chu chu a hma kum 2007 atanga chhutin za zelah 1.5 in a pung. Accident avanga hliam leh thi zawng zawng hi mi 10,964 zet an tling bawk a, chu chu kum hmasa aiin za zelah 3.8 in a pung nia chhut a ni.

Heng harsatna chingfel tur hian rauhmanna chi hrang hrang duan mek a ni a. Kawngpui kanna overhead bridge a escalator tam zawk install dante rawtna pawh a awmin hetiang bridge hi tam zawk sak belh dan tur te, kawngkanna signal light pek hun chhung tihsei deuh dante pawh ngaihtuah chhin mek a ni. (Source: Today Monday Feb 2, 2009, 4).

Note: Singapore ah hian sawrkarin public transport (Bus leh Train) tha thei ang bera service tirin private car etc neih a discourage nasa hle a, chhiah lak nasat avangin Car man pawh a to alh alh hle. Mahse ti chung hian car a pung chak viau thova, hei hian kum telin traffic a ti tawt ve zel a ni. Mahse he harsatna pung zel hi an en liam mai lova, a tul dan ang zelin ruahmanna thar an siam zel thin a ni. Bus leh trainchhungah te hian passenger te hi an lalin bus driverin awka vin a hamng ngai lova, tawlh tura in request a awm ngai lo tluk a ni. Awm pawh nise miin a ngaihpawimawh loh chuan tihluih a awm chuang lo. Passenger te hi VIP ang maiin en an ni a, mitin hian midnagte harsatna siam loh hram an tum bawk thin.

Sim Lim Square Him Tawk Lo

Singapore-a Electronics goods zawrhna lun ber leh mi hip ber Sim Lim Square chu complaint tu kum telin an pung zel. Kum 2004 khan customer atanga complaint 69 lutin 2005 khan 103 ah a pung a, 2006 khan 119 niin 2007 khan 188 a kai. Kum 2007 a ral meuh phei chuan kumkhat chhunga complaint lut chu 244 a tling chho ta der mai le. Heng complaint te hi thil chi hrang hrang niin thil lei exchange theih nia sawi si exchange leh phal si loh te, kutthlak hial te pawh a tel.

Sim Lim hi Singapore a electronic goods zawrhna hmun lar leh mi hip ber a niin a building-a dawr (unit) 500 hi mimal hrang hrang 300 vel zet ta a ni a, heng a neitu tam tak hian dawr hi an siam ve nghal nghe nghe. Hemi anih avang hian Shopping Mall tam taka a luahtute an hmingchhhiata inhnawhchhuah mai ang kha a remchang ve lova, hei hian thil a tibuaithlak niin an sawi. Tin, sales staff ho hi hralh tam dan azira hlawh nei (commison ei ve thin) an ni deuh fur a, hei vang hian hralh an tum luatah khua an hmu lo fo bawk.

Sim Lim Square thuneituten an zirchiannaah chuan heng dawr neitu rinawm tawk lo leh harsatna siam thintute hi dawr 6-7 vel chauh niin an sawi. Sim Lim-a thil lei tute tana hriat atana tha te: STARetailers (dawr rinawmleh service tha tih nemngheh) ho dawrah chauh thil lei tum a tha. Heng dawrte hi information counter-a TV displayah a hmuh theih. Mahni thil lei duh model leh a man awm ang vel chian lawk a tul. Dawr hrang hranga man te enkual phawta lei chin a tha. An man chhiar kha GST tel nge tel lovin tih zawh chian zel tur. Harsatna neih chuan Sim Lim Square customer service contact vat tur. (Source: The Straight Times Sat Jan 31 2009, p. C1)

Note: Sim Lim Square-a meng leh meng inbumna lar tak pakhat kei ngei pawhin ka tawn ve tawh thin chu bungraw thenkhat mi zawrh na rate aia tlawm daiha offer a, chumi hmanga customer hip beh a, khami model kha a stock nei lo anga insawi a, nghahtir a, chumi chhunga an thil neih dang (brand, model) midang rate ang thova leitir a ni. Thil dang lei duh si loh chuan a tawpah darkar 2 or thum nghah hnuah excuse siam leh mai an tum thin. Tin, lei nghal dawn chuan man hniam zawka offer in an pe thei niin an insawi a. Dawr dang man nen khaikhin an hlauh vang a nih loh vek pawhin man inang rau rauvah dawr danga lei an hlauh vang ani thei tho bawk.

Memberte Zinga February Thlaa Birthday Neite

1. Lalchhandami (Damteii) Feb 6
2. Thangchhanmawii (Mawii) Feb 7
3. C .Lalpekhlui (Peki) Feb 9
4. Lalmalsawmi (Sawmteii) Feb 10
5. Malsawmtluanga Tluangtea) Feb 13
6. Lalzuisanga (Zuia) Feb 19
7. Lalliansanga (Liantea) Feb 20
8. Laldinpuia (Valbuanga) Feb 23
9. Pu Malsawmtluanga (Sawma) Feb 27
10. Lalramdinpuia (Valpuia) Feb 28.

Member ten a remchan dan angin i lawmpui hlawm theuh ang u.

Hna Thar Hmu

MCF Singapore member te Pu Malsawmtluanga leh Nl. Rosangzuali Yangoon ve ve te chuan hna thar tha tak an hmu ve ve a, MCF member ten kan lawmpui hle mai. Nl. Rosangzuali hian Yangoon a a lo thawh reng tawhna Japan Airlines ah hna tha tak a hmu leh. Japan Airlines a zin duh tan biak chian mai chi a ni e. Hetianga reilote chhunga hna tha tak a tifel thei mai hi kan lawmpui hle. Pu Malsawmtluanga pawhin Han Chian company-ah marketing sales lam buaipui turin hna tha tak a hmu niin kan lo hria. Kan tawngtainate Pathianin a chhang ngei tih kan hmuhin Pathian hnenah lawmthu kan sawi. Tunah hian tihfel ngai te tifelin hnathar an zawm tan mek ta. Pathianin a awmpui zel duhsakna kan hlan e.

Mizo Inkhawm Tam Ber Record

Singapore-a Mizote Pathianni inkhawm kan pung zel a. Nimin Pathianni khan mi 73 zet kan inkhawm thei. Hei hi Singapore a Mizo Christian Fellowship Mizo inkhawm kan thathnem ber record a ni. Nikum lam atang khan member kan pungin inkhawm pawh kan pung zel a. Oct ni 5, 2008 khan mi 49 inkhawmin record kan siam. A hnu thla khat velah Nov ni 2 khan hei hi khumin mi 63 kan inkhawm leh a. Chu chu nimin Feb 1, 2009 khan mi 73 zet inkhawmin 10 zeta khumin record thar kan nei leh ta a ni. Nimin inkhawmah hian thlatin Pathianni hmasabera Lalpa Zanriah kan kilho thin chu kilhovin inkhawm banah hlimtlang takin refreshment kan eiin kan in ho leh bawk a. Memberte kan hlim tlangin la inhre ngai lote pawh kan inhre thar zel hi a lawmawm tak zet zet a ni. Mi kan thathnem ve deuh tak avangin inhre tura tan la theuh turin kan infuih thar leh e.

Kan inkhawm bana kan ei leh in tur refreshment te hi member thanemngaiten an thawh thin a, a lawmawm tak zet zet. Tunah pawh hian February thla Pathianni chu thawh tur ten an book khat leh ta vek mai le. Thawh chan loh hlauhawm khawpin member ten thahnem kan ngai hlawm a, a lawmawm tak tak a ni. La ti ve thei lote pawhin tih zel i tum ang u. Member tinten mimal kher lo pawhin thian ho ang pawhin kan neih sum Pathian malsawmna kan dawnte malsawmna ni turin i hmang zel ang u khai.

Singapore-ah Mizo kanpung zel

Singapore-ah Mizo kan pung zel a, tunthla ni 20 khan mi 10 vel zet Hotel Management / Hospitality course zirtur an raw thlen belh leh ta. Kal tharte Singapore Mizo Chirstian Fellowship ten kan lo lawm in, an zirna turah duhsakna sang ber kan hlan bawk a ni. Vawiin kan inkhawm-ah pawh a tam zawkin min rawn telpui nghal a kan lawm tak meuh meuh ani. Neitu chanchanga kan telho zel pawh kan duhin kan sawm nghal bawk. Vawiin kha anni ho zarah Mizo Christian Fellowship inkhawm tawh zawng zawng-ah kan tam ber tum niin mi 73 lai kan inkhawm thei a ni. A ropui kan tiin kan chhunzawm zel kan beisei.