Singapore to Mizoram

Tunlai chu Singapore-ah ruah a sur ve deuh reng avangin khaw lum a ziaawm a, temp pawh 29C aiin a sang meuh lo. Sik leh sa then hi awm ve chiah lovin ruah hi kumtlunin sur tho mahse Bar thlaah hian a sur ngawrh deuh thin reng a, a awm viau ve. Global financial crisis hian ram economy a nghawng ang reng viau mai. Tunah hian recession period-ah an awm mek a, vawiin Oct 23 hian inflation rate hi 6.7% a ni pha daih tawh. Lehlamah chuan sorkar hian tan a la a, an hmalak dan mipui an hrilhfiah zelin mipui an thlamuan reng bawk a. Hmalam huna thil thleng thei hi zep nei miah lovin mipui an fah ve zelin tan la turin leh a theih chin chinah inren turin an fuih bawk a, hlauhthawn a tulloh dan te thlengin an fah reng. Chuvangin awareness a thain ram mipuiin thil awmzia an hrechiang a, an ram hruaitute an ring tawk a, sawrkar an ring ngam a, an tangrual a, a tlangpuia thlirin an hlauthawng lem lo niin a lang. Nimin maia khawvela ram hausa or nuamsa(prosperous) ber tehna World Prosperity Index 2008 ah 4-na niin USA leh Germany te nen an awm ho.

Singapore hi 2003 vela SARS a len vak lai pawh khan khawvel mak tih khawpa hma la kha an ni a. Khatih lai khan mi cheng zawng zawng hian nitin vawi hnih body temp teh thin a niin khawsik nei zeuh chu clinic emaw damdawiinah emaw kal nghal tur a ni a, kal duh loh chu dan bawhchhiatnaa ngaih a ni. Hetih lai hian inkhawm tur takngial pawh pawnah temp teh vek zel ani a, teh tawh chhinchiahna sticker bel lo chuan luh ngawt theih a ni lo. Public library leh hmun dangah pawh chu tiang tho. Len vah tam deuh phei chuan bel(sticker) kai hnem a awl thin hle.Heng body temp report kim chang hi thehluh zel a ni bawk. Miin lo kai ta se an chungkaw member tinte kha ngun takin an chek vek a, a thiante leh a lenvahnaa a mi kawmte kha an chhui chhuak vek bawk a, an chek vek bawk thin.Hetiang anih avang hian natna kai thar an awm chuan an kai chhan an chhui chhuak zung zung ta thin a ni. Tehna tur sorkarin mipui hnenah test kit a sem vek a, SARS a reh tawh hlea ngaih leh kai thar awm tawh loh hnu feah pawh thla engemaw zat chu nikhata vawi khat temp teh chhunzawm zel a la ni nghe nghe. Khatiang khawpa natna inkai chhawn awl leh hlauhawm mi engemaw zatin an kai darh mek tawh si kha rei lo teah an hmet mit ta mai reng a ni.

Hetiang taka ram invawnna tha a nih avang hian mipuite hian sorkar an ring tawk em em a, sorkar pawhin mipui rin turin engkim lang tlang takin an ti a, a chhia a tha hi mipui hriat awm chin chu zep lem lovin tlang takin an sawi mai zel. Ram hruaitu Prime Minister leh minister te hian engkawngah pawh hma hruai an tum a, faina kawnga hmalak pawh nise a ti hmasa tuah an tang mai thin. An ei ruk loh thu an sawi ngai lova, an eiruk thu sawi pawh a awm ngai lo. Eiruah puh ta ila a ram mipuite hian an rin hmel loh. Minister te hi mi thiam leh thlauk tha the thaw an niin politics chawlhsan se naktuk maia hna tha elkhen offer mai tur awm chi deuh vek an ni a, anhlawh pawh chhe lo hle. 'Mi tha ramhruaitu nei tur chuan hlawh pawh a that a ngai alawm' tih hi an ngaihdan a ni. An hlawh san chu an thiamna leh thahnemngaihnain a let tam takin an rul let a, ram tan malsawmna thlentu an ni ta zawk. Chuvangin Singapore hruaitute hi top brain an tih ang chi deuh thah hi an ni. Tin, chanchinbuah miin thil complain an neih chuan a organisation or department hotute khan an sawifiah thin a, an diklohnaah chuan ngaihdam an dil hreh lovin a tul ang chu an siamtha nghal zel thin. Prime Minister pawh ni se dan lakah a him ngawt lova, a zawm tha ber a nih zawk a ngai. Eirukna hi awm lo ang hiala ngaih a ni a, case awm ve zeuh chu a awm nain thil vang tak a ni. Office hour pawn lamah pawh mahni hna chu thahnemngai takin an thawk hreh lova. Mahni hna zo lo nih hi zahthlakah ngaiin an tum lo hle.

Singapore sorkar hian hmathlir a nei thui khawp mai. Ram te reuhte competitive em em si a nih avang hian vision neih that hi an dinchhuahna tur a ni reng a. Kum 30 vel lo awm tur hi an plan lawk thlap thin niin an sawi. Khawvel khawi hmunah pawh thil thar awm se an ngaihven reng a, an zirchiang peih zel a, hman tangkai an tum zel bawk. Kum 50 piah lam pawh hi a ruangam tur chu fel takin an din lawk thin niin sawi a ni bawk. Tunah hian tui hi Malaysia atangin an lalut mek a. Lakluh theih loh palhah pawh invenna fel tak an duang thlapin sea water, rain water leh tui chhia chi hrang hrang in tlaka siam dan technology an nei vek bawk. Ramdang tihdan tha an zirkual peihin an rama tihve tur chin leh chin loh ngun takin an thliar hrang a, an ram tana tha ber tur nia ngaih an duang chhuak ta thin a ni. Leihnuai rel Mass Rapid Transit(MRT) line tur mai mai pawh hi a hma kum sawm velah a map chipchiar an lo duang fel tawh thin.

Mizo tena inpuia kan neih Mizoram hi hetiang hian kal ve ila chu hma kan sawn chak duh awm mang e. Tunah hi chuan mipui leh sorkar hi kan tangrual lo mai ni lovin kan inring lo tawn a, kan inpuh tawn bawk a. Kan Assembly house chhungah ngei pawh tih tak takna zia a lang mawlh lo. Inthlan leh hun tur thlir ranin house-ah zawhna kan inzawtin kan inchhang kual vel mai mai a, ram hmasawnna tur ruahmanna tih tlak kan nei lem lo thin khawp mai. A chang chuan kan thil sawiho mek lai aiin a ngaithlatu leh TV a lo en tu mipuite hi kan rilruah a lian zawk thin a ang. Vision phei chu kan nei a nih pawhin kan sawi phallo a ni tal ang. House session zawhna takngial pawh kan inchhang pial vel mai mai a, tihtak zeta kan bawhzui lo a nih si chuan pawn lama mi lek phei chu a teuh awm lo mang e. Assembly house chhungah pawh hian sawi mam thiam thiam an ding chang mai a nih rih awm hi maw.

Thusawi thiam hi ram hruaitu quality pawimawh tak chu a ni ngei mai, mahse thudik sawi hi a pawimawh fe zawk lo maw? Thudik a taka chantir ngei theih leh chantir ngei tur sawi thin hi ram hruaitu tihtur dik tak chu a ni. Nu leh pain hrehawm tuar huama thahnemngaia thawh lam ngaihtuah lek lovin fate hnenah nal takin thu tha tak tak hrilh chiam chiam se chhungkuain hma a sawn ang em? A nih loh leh thenawmte leh thian thate hnen atanga pawisa bat theih te chu nu leh pate uanna ber ni ta se chhungkaw future chu a bright ang em le? Hnai love, nu leh pain rim taka hah pawh sawi phal lova an thawh a, chhungkaw tana ruahmanna tha leh rintlak an siam thinin ani chhungkuain hma a sawn thin ni. Mi hnen atanga kan dawn tam poh leh mi thuhnuaiah kan kun thuk a, kan zahawmna leh kan zalenna kan hloh tial tial thin. Fate thawk theia chherchhuah hi nu leh pa mawhphurhna a ni a; thawk thei nih phawt chuan thahnemngai taka thawha chhungkaw chawikan hi fate mawhphurhna ani. 'Hnathawk lo chuan ei pawh ei suh se' tih ang khan. Kan ram hruaitute hian mipuite hi intodelh thei dinhmunah min hlankai a ngai a, intodelh tak tak chu mipui tihtur a ni thung.

Kan Lal Isua pawh Thu kha tisaah a lo chang a, min chhandamtu a lo ni ta ang khan kan Mizoram pawh hi thu ringawt chuan a chhandam dawn lova, tisaa a taka chang tur 'Chhandamtu' kan mamawh ta a nih hi le. Tisaa channa kawng chu channa leh tawrhna kawng a ni a, mahni inphatna leh nawmna aia tihtur leh mawhphurhna dahlalna hmun a ni zawk. Kan politician te zingah hian awm tak ang maw le? Kristian ram ni lem lote hian dikna an nunpui a, rinawmna an than hnan thei anih si chuan keini kristian ram inti te hian engahnge kan theih loh bik ang, a aia sang zawk kan tum tur a ni dawn lawm ni?

Ni 19.10.2008 Inkhawm rogramme

Ni 19 October, 2008 hi Chin Christian Fellowship Combine Inkhawm tur a nih kha. A hmun atan Lai inkhawmna a ni ang a, chawhnu lam dar 3 a tan tur a ni ang. Mizo Christian Fellowship ten zawipawl kan nei dawn anih kha, inkhawm I tum tlang theuh ang u khai! Hei MCF thlalak hlui lam tawh deuh Pu Hruia'n lo kawl hlauh mai a. Kan post tel mai mai e.

Global Financial Crisis leh Ringtute

Tunlai kan global financial crisis tawh mek hian eng ang tak chuan min la nghawng zui dawn chu ni maw? Khawvela sawrkar hausa leh ropui tumah hlauh nei lova vawk lal len ngut ngut mai USA meuh pawh tunah chuan a buai zo ta. Financial institution tlachhe mek te dawm din nan US thuneituten Dollar Tluklehdingawn 700 an pass tawh a. European Union pawhin Dollar Tluklehdingawn 1800 awlh mai a ruahman tawh bawk. Asia ram hausa ber leh khawvela GNP a chhuta a pahnihna ni mek Japan pawhin theihtawpin tan lain an central bank chuan ni 19 chhung tehmeuh dawm dinna pawisa a vawm lut mial mial a, tunah chuan a zia awm ta deuh. Chutih laiin ram tenau zawk Australia pawhin tlakchhiat ven nan Dolar tluklehdingawn 7.25 a dah fel ve leh ta. Germany s ram Europe a economy lian ber chu 2009 a ram economy than dan tur beisei 0.2% a ni che che a. Hmabak a ko vak lo. Singapore sawrkar pawhin recession stage a an luh mek thu an puang ve mek bawk.

Han en vang vang ila heng ram kan han tarlan tak hote hi khawvela ram changkang ber ber leh hausa, mithiam chung chuang ber ber nei ram thiau an ni. Khawvel mithiam leh economist ropui tak tak tawm khawmna niin heng ram tinah hian thiamna lama khawvela a ber thiau pawh hlui tam fe daih an awm vek ngei ang. Mahse tunah hian an buai mek vek a, a bik takin USA hi an chungnunna bera an ngaih thin financial institution ah a mualpho nasa berah an tang. Lehman Brothers kum 150 khawvel lo chhuk thlir tawh thintu chu khawvelin a chhuk thlir ta zawk a, tunah phei chuan thlir tur pawh a awm mumal ta lo. Ram hausaho an dam lova, hri kaichhawn theih ang maiin chu chu an inkai darh a, hausa ve tho dang ten an kai chak zual. Ram hausa nia ngaih rih loh ram thang mek leh American hovin an er ruk em em leh puhchhhiatna tinrenga an beih thin China pawh chhandamtu atan an rim mek emaw ni.

He thil thleng mek hian ngaihtuahna a ti thui khawp mai. Engatinge capitalist ho hmai uanna ber ram USA chu heti taka a talbuai tak? Engvanginnge heti taka buai tur thu hi tuman an sawi lawk theih lohva mithiam chung chuang ho hian invenna an lo ruahman eih loh le? Thlaah te an inkapkai a, Sikeisen chanchinte an zir a, thil ropui tak tak mi naran tana suangtuah phak loh leh mangchhiaah takngial pawh la man ngai loh an tih mek laiin Choka fairel bela buhfai chu a chhan hriat mai theih lohvin a lo phai ta duk duk a. America ram, thiamna leh hausakna tinreng awmna ram nia ngaih chu a phai chhan hmuchhuak turin leh titawp vat turin a hmanhlel ta. Keini ang mi naran hisapa awlsam te awm hi a harsa phian anih hmel. A chhan mumal pawh an la hmuchhuak thei lo chu anih hi. Hetiang lam thiam chung chuang Paul Krugman, Nobel Economics Prize vawiina (Oct 13 2008) dawngtu awmna ram chu a ni ang lawi bawk si a. Engvang nge?

A chhan chu mithiamte chhan turah dah ila. Mahse he thil thleng mek hian thil pakhat min hriat thar tir. Mihringte ropuina leh hausakna derthawn zia hi. Kumin kum tir lamah te khan chuan tuman hetiang hi a la thleng ang tih an beisei kher lovang. Tin, thlamuanna kan tih thin hi hausakna leh thiamna, khawvela ropuinate hmanga neih chi anih loh zia min hmuhchian tir bawk. America ram khuti khawpa ram hausa leh ropui pawh hetiang mai mai anih si chuan khawvel ropuina leh hausakna te hi innghahna tlak zawng an lo ni mawlh lo mai. Kan bilble in "Sum lemin thiante siam rawh u" a tih kha a dik tawk awm ngawt asin. Sum hi chu thil a ni a, a tha zawnga hman tur a tihna a nih mai hmel. Tin, a sum ai khan a hman dan zawk kha a hlutna lai tak chu a ni tihna pawh ani thei bawk ang. Pathian malsawmna dawng thiam ringtute tan chuan hausak dan leh retheih dan thiam a har lova. Tirhloh Paula'n, "Hausaa awmdan ka thiam a, retheia awmdan pawh ka thiam" a tih ang khan. Neih lai leh retheih lai pawhin hlimna a kiam chuang lo thin a ni. "I remruata innghat ringtute nun zawngah hian vuina tur reng hi a lo awm love" hla siamtuin a lo tih bawk ang khan.

Mi hausa tam tak chu kan Bible-a mi hausa a ang mai kha an ni awm e. An hausaknaa chawlh an tum a, mahse chawlhni an nei ngai lo. Chawlh ahnekin an hah tawlh tawlh a, an hah hlum thak thin. Ven ngai lo thin khan ven an ngai a, teihawi mai mai thin kha khuahkhirhin an awm a, itsikna an ngah a itsiktu lah an pung bawk. Chutih mek laiin Mi hausa tam tak thung chuan an hausaknate petu Pathianah chawlhna an zawng a, chawlhna an hmu a. A malsawmna chu lawmthu sawi chungin an dawng a, pumbilh mai lovin A tan an hmang let a, thil ropui tak an ti a, A ram tizautu an lo ni ta zawk. Lal Isuain mitdelte a tidam a, pharte a tithianghlim ang khan mi tam tak chuan an hausaknate hi rawngbawl nan an hmang mek. Pachhiaten ei tur an lo nei a, thlarau mitdelte mit a lo var a, thenawm khawveng ten Pathian an lo fak ve phah ta! A pawimawh ber chu a sum ai khan a neitu rilru kha a ni. Eng rilru puin nge kan sum leh paite hi kan kawl a, kan hausakna te hi kan vawn? "Mi a zaninah i thlarau an laksak dawn che, i thil dehchhuah te kha tu ta nge ni ta ang le?" min ti ve mai ang tih a hlauhawm. Chuvangin hawh teh u, i ngaituah chiang teh ang u. Sum zawng ila, changkan chak ila, hausak tum ila, Pathian erawh chu i tih ang u. Tichuan hlimna kumhlun leh thlamuanna dik chu kan nei thei ang.

Singapore Mizo Awmthar!

Mizoram lam atangin management (hotel, hospitality industry etc.) zirtur lokal mek leh lo lakal zel tur an awm nual niin kan hria a. Nghakhlel takin kan lo thlir mek a ni. Mithar an lo thlen hun chuan kan phuisui leh sawt dawn a ni. Kan nula leh tlangval rual te an mahni lo thlirin ring an fan leh ta! Pathianni hnuhnung ber inkhawmah chuan mi engmawzat hmel hmuh belh ngei kan beisei!

MCFS THILTUM LEH DIN A NIH CHHAN

MIZO CHRISTIAN FELLOWSHIP OF SINGAPORE

“Nangni thawkrim leh phurrit phur zawng zawngte u, ka hnenah lo kal
ula, keiman ka lo chawlhtir ang che u.”
Mathaia 11:28

MCFS MEMBER TE HRIAT TUR PAWIMAWH TE

1. FELLOWSHIP HMING
Mizo Christian Pawl kan nih avangin kan fellowship hming atan
MIZO CHRISTIAN FELLOWSHIP OF SINGAPORE ( MCFS )
tih a vuah a ni.

2. PAWL DIN CHHAN
Mizo Christian Fellowship of Singapore hian, thlarau lama tuihal leh
Tanpui ngaite Pathian kaihhruainaa tanpui tura din a ni.

3. PAWL HNATHAWH
Singapore-a Mizo ( Mizo nia inhria or inngai ) awmte inkarah inkung-
kaihna tha siam leh thlarau, tisa leh hnaa harsatna neite zawn chhuah,a
theih dana tanpui zel.

4. PAWL THILTUMTE
Singapore – a Mizo awmte hmasawnna tur leh hlimtlanna hi a
ngaih pawimawh ber a ni.
Mizo hnam nunmawi chhawm nun zel.
Khawvel thila kan pilbo loh nan leh Pathian thua inpawlhona neih.
Ram sawrkar dan a kalh tur a ni lo.

5. MCFS MEMBER CHUNGCHANG
v Mi tupawh MCFS a luh duh chuan hruaitute hnenah hriattir a nih
hnuin memberah lakluh theih a ni.
v Fellowship danga member nihna nei tawh MCFS a rawn lut duh chu
MCFS in thil awmzia a hriatchian hnuah chauh lakluh theih a ni ang.
v Mi tupawh MCFS member ni tawh phawt chuan member fee
diktakin a pe tur a ni.

MCFS FAKNA HLA BU

MIZO CHRISTIAN FELLOWSHIP OF SINGAPORE
SERVICE TO GOD AND MANKIND


1. A SAW RALTIANG TLANGAH


Doh is B♭

1. A saw raltiang tlangah, kraws hlun tak chu a ding,
Tuarna leh mualpho tar lana chu;
Kei ka tan chu kraws chu ngaihhlutawm ber a ni,
Mi sual tan, mi tha ber a thi si.

Chu kraws chu pawmin ka vuan zel ang,
Thlafam dairial ka chan hma loh chuan;
Thah lovin ka vuan tlat zel ang a,
Lallukhum hlu chu ka la chang ang.

2. Aw, chu kraws, khawvel mi hmuhsit leh endawng chu,
Kei ka lunglai kuaitu a ni a;
Chung Pathian Beram No, van ropui kalsanin,
Kalvari tlang a put thleng vangin.

3. Chung Pathian hrai duh leng thisen luan krawsah chuan, Van hnuai thang thil mawi ka lo hmu a;
Kei mi sual ngaihdam leh min tithianghlim turin,
Ka lalpa Isua tuarin a thi.

4. Rinawm leh nghet takin chu kraws chu vuan ila,
Hrehawmna leh mualpho dawn lovin;
Nakinah, van inah mi la hruai khawm ang a,
Chatuanin ropuina kan chang ang.








MIZO CHRISTIAN FELLOWSHIP OF SINGAPORE
SERVICE TO GOD AND MANKIND


50. NI TLA NGAILO ZION KHAWPUI




1. Ni tla ngailo Zion khawpui,
Ngaiin ka rum, ka tap chhun nitinin;
Puan ropui sinin an leng tlansa te,
Ka tan hmun a awm ve chu ramah chuan.

Ka va ngai em, ka va ngai em !
A hmun ropui a mawina zawng aiin,
Hmangaihtu Lal Krista hmel duh awm chu,
Hmuh ka nuam ka lungkham banna turin.

2. A mawizia sawi sen loh ram chu,
Thisenin a hawng ta, Zalenna ram;
Ka thlarau chu ram mawi chu zawng ve la,
Khawvel ram zawng a la chuai dawn a ni.

3. Lungduh chhandamte lenna hmun,
Thleng theih loh ka hlau mange Chhandamtu;
Thisenin min sil la, thlarau vin min hruai se,
Lal lunghnem rammawi chu ka ngai mang e.













MIZO CHRISTIAN FELLOWSHIP OF SINGAPORE
SERVICE TO GOD AND MANKIND


49. AW LALPA, DAVIDA LEH A THLAH ARSI


Doh is D.

1. Aw Lalpa, Davida leh a thlah Arsi,
I felna ram a tan Nangin min buatsaih;
Ka lawmna tuifinriat angin a liam a,
Thih lui kamah zaiin i hming ka fak ang.

Aw Lalpa, zaiin i hming ka fak ang,
Khawvela i siam zawng zawng zai se;
Lalpa chawimawi nan awte chhuah ru,
Leilung hi zaiin a lo khat ang.

2. Mihring ka nih hma pawhin Lalpa Isu,
Thisena man dang beisei lova min tlan;
Chhiar sengin han hre thiam teh reng ila aw,
Khawvel zaia tikhat turin ka bei ang.

3. Lalpa, khawiahnge ni hmun mi buatsaihna?
Daniala angin tukverhah ka thlir ang;
Rangkachak thianghlim leh a hmun ropui chu,
Hrehawmah pawh thingthi talin ka thlir ang.

4. Aw, I manuel lei leh van thar siam chu,
A dung leh vangah te han leng ve ila;
Buaina tinreng tuara ka then takte kha,
Van ropuina hain an hmel ka hmu ang.









MIZO CHRISTIAN FELLOWSHIP OF SINGAPORE
SERVICE TO FOD AND MANKIND


2. AW, ROPUI BER, HALELUIA


Doh is D.

1. Aw ropui ber, Haleluia,
Kan fak a che, Imanuel;
Chawimawina leh Lalna zawng zawng,
Chatuanin i ta a lo ni.

Haleluia, Haleluia, Amen.

2. Khawvel hringmi hnam ze tinreng.
Angel var nen lung kan rual e;
I tlanna thisen azarah,
Salem thar tualah kan leng za.

3. Aw, a thukin a va sang em,
I finna leh i hmangaihna;
Thlarau khawvela ri mawite
Leh van tawngten an puang seng lo.

4. Aw, min hrilh rawh, thukna ropui,
Ran thleng leh thing anchhe dawng leh;
Vana Lalkukhum a inzawm,
Lei Eden leh Salem thar nen.











MIZO CHRISTIAN FELLOWSHIP OF SINGAPORE
SERVICE TO GOD AND MANKIND


3. MIN NGAIDAM RAWH AW, LALPA


Doh is A♭

1. Min ngaidam rawh aw, Lalpa, min ngaidam rawh,
Ka tih tur hre lovin rei tak ka lo thu;
Ka lawm nan mai ka lo bel che, Lalpa,
Min ngaidam rawh, Lalpa, min ngaidam rawh.

Keimah vangin thlarau chhiarsen loh,
An boral tawh chatuan thim hnuaiah hian;
I hmaah engnge ka sawi ve ang?
Min ngaidam rawh, Lalpa, min ngaidam rawh.

2. I chhandamna a thlawnin ka lo nei tawh,
I malsawmna chhiarsen lohvin min vur thin:
Mahse ka tan mai hian ka lo hmang zo,
Min ngaidam rawh, Lalpa, min ngaidam rawh.

3. I lawmna ber, Lalpa, thlarau bo chhandam,
I hna tulber, khawvela chanchin tha hril;
Mahse tumah ka la rawn hruai si lo,
Min ngaidam rawh, Lalpa, min ngaidam rawh.

4. I kohna hi haider thei ka lo ni lo,
Nangin min tir, thlarau bo chhandam turin;
I Thlarau Thianghlimin min hruai zel la,
I ram tan ka rawn inpe e, Lalpa.









MIZO CHRISTIAN FELLOWSHIP OF SINGAPORE
SERVICE TO GOD AND MANKIND


48. HE LEI HI CHATUAN RAM A TLING LO




1. He lei chi chatuan ram a tling lo,
Lungngaia tahna a ni maw Lalpa;
Lawmnaten mual an liam ta e,
Hlimna par a chuai.

Aw, ka han thlir van chung sang khi,
Angel lenna ram ropuiah chuan;
Chhandamten chawlhna ralmuangah,
Khawvel ral tawh mai se an ti.

2. Aw, ka ngai par tin vulna ram nuam,
Chul lo tur Lal nunnema siamah chuan;
Min hruai zel la aw min kai la,
Tah lai min hnem rawh.

3. Beram No ram Zion ka thlen chuan,
Lungduh ka thenna reng ka ngai loving;
Hmangaih khawpui hnamtin chhungtin,
Lawmna kimah chuan.













MIZO CHRISTIAN FELLOWSHIP OF SINGAPORE
SERVICE TO GOD AND MANKIND


47. ZAN HI A RAL ANGA


Doh is A

1. Zan hi a ral anga,
Chatuanin khua a var ang;
Hnehna puan var sinin,
Lal Isua a lo kal dawn e.

Khaw thianghlim Jerusalemah chuan,
Isua tlante kan chawl ang;
Nunna Lallukhum chu khumin,
Ni angin kan eng tawh ang

2. Ni leh thlaah te khian,
Chhinchhiahna kan hmu ang,
A hun a thleng dawn ta,
Muhil te an tho leh dawn e.

3. Hrehawm leh natna te,
Tamte pawh lo tla mah se;
Chum zingah Isua nen,
Van lam hawiin kan leng tawh ang.














MIZO CHRISTIAN FELLOWSHIP OF SINGAPORE
SERVICE TO GOD AND MANKIND


4. KA THLARAUVIN KRISTAAH CHAUH


Doh is F.

1. Ka thlarauvin Kristaah chauh,
Muanna kim a hmu a;
Malsawmna tam tak hriat phak loh,
Tunah ka lo hmu ta.

Krista chauh lo chu tumah dang,
Min tilawm an awm lo;
Hmangaihna leh lawmna kumkhua,
Amah chauhvah ka hmu.

2. Amahah chawlhna zawng lova,
Khawvel thil dang zing a;
Ka zawn laiin ka chhandamtun,
Khawngaihin min vuan ta.

3. Aw Lalpa, khawvela tuikhur,
Chawi turin ka tlan a;
Mahse a tui ka in thei lo,
Thihna tur a lo ni.

4. Ka nawmna bo hnu ka ngai a,
Nang, ka zawng ngai lo che;
I hmangaihna thu thianghlimin,
Min hriattir hma zawngin.








MIZO CHRISTIAN FELLOWSHIP OF SINGAPORE
SERVICE TO GOD AND MANKIND


5. KA THINLUNG SUAL BAWLHHLAWH


Doh is D.

1. Ka thinlung sual bawlhhlawh hnu kha,
I Tempulah chantir la,
A chhungah hian aw, ka Lalpa,
Chatuanin lo cheng ang che.

I awmna chu,
Chatuan lawmna a chang thin;

2. Aw, vawi khat tal, inhmu ila,
Vawi khat tal, Nang hmu ila;
Khawvel mawina zawng ai pawhin,
A let zain I mawi zawk.

Ka inpe ang,
Nangmah nen cheng za turin.

3. Aw, hlip kiang rawh, ka sualna hi,
Ka thlarau chhanhim ang che;
Ka ning tawh e, thima awm chu,
Lo leng rawh, van eng ropui.

I lo en chuan,
Ka thinlung lawmin a khat.









MIZO CHRISTIAN FELLOWSHIP OF SINGAPORE
SERVICE TO GOD AND MANKIND


46. TUNAH A THAR HMANGAIHNA ENG NUAMAH




1. Tunah a thar hmangaihna eng nuamah,
Kan Lalpa hmun ropui;
Lawmna pangpar a vul tahchuan,
A chul leh tawh lo vang.

Lawmin nakinah kan inkhawm ang.
Van angel var rual zawng zawngte nen;
Lungngaihna rama rumna zawng hi,
Kan Lalpa hmaa lawmna hla tur.

2. Ka dam lai ni hi a tlak hma zawngin,
Ka tan chhum a zing thin;
Nakinah chu ram ka thlen ve hun chuan,
Ka ngai lawng khawvel hi.

3. Tin, chu ram khawpui lam chu pan zelin,
Lei hi ka hlat zel a;
Tunah a par rimtui ka tem ve ta.
Aw, a va nuam dawn em.

4. Ka Chhandamtu hmel duhawm hliam hnu khan,
A lal thutthleng chungah;
Ro a rel dawn tlansate an lawm nan,
Haleluia, Amen.








MIZO CHRISTIAN FELLOWSHIP OF SINGAPORE
SERVICE TO GOD AND MANKIND


45. KHAWVEL LAWM NAN A LO KAL A


Doh is E♭

1. Khawvel lawm nan a lo kal a,
Leiin a Lal lawm se;
Thinlung tinin hmun lo kian se,
Lei leh van zai rawh se, ( 2 )
Van leh khawvelte zai rawh se.

2. Khawvel lawm nan ro a rel a,
Miten zaiin fak se;
Tlang leh phai leh Luite pawhin,
An lawm hla nawn rawh se, ( 2 )
Nawn rawh se, an lawmna hla chu.

3. Khawngaih leh thutakin a rel,
Hnamte an lo ding chhuak;
A felna ropui tak mai chu,
A hmangaihna hlu chu, ( 2 )
Mak an ti, a hmangaihna chu.
















MIZO CHRISTIAN FELLOWSHIP OF SINGAPORE
SERVICE TO GOD AND MANKIND


6. INPEIH THUAI RAWH


Doh is A♭

1. Aw ka dam chhung nite hai loten a liam zel e,
Pan leh vanglai hunte pawh chuaiin a her liam a;
Sanna leh hausakna ten kum tam a daih nem le,
Saruak maia kir lehin kan her liam thin.

(chuvangin) In peih thuai rawh
Chhum zingah a lo kal dawn,
Tap chungin i in leh lo kalsan a tul tawh ang
( Tah zet chuan ) Khawngaih hun a liam tawh ang.

2. Lal hutthleng var hmaa hnamze tin an inkhawmin,
Nuna bua ziak anga ka hming an lam hun chuan;
Lawm avanga mittui nen Tlantu chibai bukin,
A ropui tur zia chu aw, ka sawi thei lo.

3. Lal Isua nei si lova thlafam i chan ni chuan,
Khawngaihin kawng min hawn rawh tap chungin dil mahla,
Tunge ni ka hre lo che tih hnawlna anka chu;
A rapthlak tur zia chu aw, ka sawi thei lo.













MIZO CHRISTIAN FELLOWSHIP OF SINGAPORE
SERVICE TO GOD AND MANKIND


7. MI THIANGHLIMTE LENNA


Doh is E♭

1. Mi thianghlimte lenna khawpui chu,
Rinna mitin ka thlir reng thin;
Sual leh bawlhhlawh reng a awm lo,
Lalpa chenna khawpui mawi chu.

Hmun thianghlimah chuan,
Chau leh ngui, hmel an awm tawh ngai lova;
Chu khawpui mawiah chuan.

2. He khawvel thlaler hmunah hianin,
Kan cham chhungin hrehawm buaina;
Sualna tinreng ten thla an zar,
Sualin min hliam kan chau leh thin.

3. Lal Krista thisen thianghlimah chuan,
Bawlhhlawh ber pawh sifai kan ni;
Chu thisena silfaite chuan,
Khawpui thianghlim chu an lut ang.















MIZO CHRISTIAN FELLOWSHIP OF SINGAPORE
SERVICE TO GOD AND MANKIND


44. LEIAH A LO PIANG VAN LALBERA CHU


Doh is B♭

1. Leiah a lo piang, van Lalbera chu,
Angelin an chawimawi, lawm hla ropui takin;
Chungnung berah ropui rawh se,
Lei mihring tan remna leng se, an ti.

Aw, van angelho zai rite chuan,
Bethlehem dai a nghawr vel e;
An lawm hla ri zam velte chuan,
Imanuela, Lal chungnung ber rawh se an ti.

2. Remna Lal thianghlim ber chu a piang ta.
Davida thlah Arsi eng mawi, chatuan ata,
Kumkhuain a Lal reng ang a,
A hming ropui chatuanin an fak ang.

3. Aw, angelte chu lo zai nawn leh se,
Bethlehem dai hmun khawhara ka awm lai hian;
An ri mawi leh an thawnte chu,
Kan thinlungah kumkhuain cham rawh se.













MIZO CHRISTIAN FELLOWSHIP OF SINGAPORE
SERVICE TO GOD AND MANKIND


43. EDEN PAR MAWI CHUL HNU


Doh is A♭

1. Eden par mawi chul hnu tivul leh turin,
Khawvel Chhandamtu a lo piang ta;
Pialral nun mawi min rawn sintir leh theih nan,
Lal chungnung berin hmun tlawm ber a rawn thlang.

I lawm ang u, Remna Lal lo ping hi,
A fakna lei leh van thang chhuak se;
Hei ang renga kan tana Lal lawmawm hi,
An piang lo, an piang leh tawh lawng, chatuanin.

2. Hmana mitten hmuh an chak ni lawmawm hi,
Hmu lovin sang tam tak an liam ta;
Lal lungawi kum hun lawmawm chhandamna hi,
Keini zawng kan chan bik hi kan vannei hle.

3. Tun hma, tun hnu, van hnuai mi hmingsak zingah,
Chhandamtu dang reng an piang tawh lawng;
Hmana mi thianghlim Sumeona ang khan,
Hmua lawm a piang mi vannei ber an ni.

4. Lei leh vana chhiar sen loh mipui zingah,
A tha chungnung ber e, Chhandamtu;
Israelten an hnawla an paih hnu kha,
Van Lal reng ro, pialral lunghlu ka chhar ta.








MIZO CHRISTIAN FELLOWSHIP OF SINGAPORE
SERVICE TO GOD AND MANKIND


8. HE LEI RAM MI KAN NILO


Doh is E

1. He lei ram mi kan ni lo, khualzin kal lai mek kan ni,
Hmalam thlirin kan kal zel dawn;
He lei hi hnutiang chhawnin,
Kan pan mek van in mawi chu, he lei ram mi kan ni lo.

Hla taka rammawiah chuan,
Lunghlu kawngkhar mawi tak chu;
Kan tan a inhawng mek a ni,
Rangkachak khawpui mawiah kan lut thuai dawn;
I lawm ang u, he lei ram mi kan ni lo.

2. Chatuan Lalpa khua leh tui, Hmangaihna Lal roluahtu,
Ama enna tawmpuitu leh;
A hnehna changtu kan ni,
Khawvel hi bo mah sela, kan chatuan hmun van a ni.

3. Chatuan ram mi kan ni e, van Lal fa duh takte chu,
He lei ram hi kan fan chhungin;
Kan chatuan Lalpa enna,
A hmangaihna, thatna nen, kan nunah lar chhuak rawh se.












MIZO CHRISTIAN FELLOWSHIP OF SINGAPORE
SERVICE TO GOD AND MANKIND


9. KAN BEISEI RAM


Doh is E

1. Kan beisei van Kanan thar mawiah chuan,
Hmangaihna luipui luang cham del e;
Tlantu faka Angelte zai vawr a,
Fakna hla mawi fawn vel hian ka ring thin.

Lalpa zara kan ram a ni,
Lungngaih dar ri a awm tawh lo;
Thihna lusunna ten hmun an chang lo,
Rinnaa kan beisei ramah chuan.

2. Thihna leh natna te a thlen changin,
Chu ram chu ngaih zual ni a awm thin;
Thawhrimna leh buaina te tuam vel hi,
Engtih emaw kan la chhuahsan ngei ang.

3. Ringtu hawi kirte hmuh changni hian in,
Chu ram chu ngaih a zual leh thin e;
Hawikirte hmel awm tawh lohna ram chu,
Thlarau khawvel a ni, a eng reng a.

4. Tunah hian buaina ram ah cheng rihin,
Hmangaihte nen kan inthen leh thin;
Lalpa Pathian rorelna hmun mawiah,
Inthena biahthu reng kan sawi tawh lo’ng.








MIZO CHRISTIAN FELLOWSHIP OF SINGAPORE
SERVICE TO GOD AND MANKIND


42. KHAWVELAH HIAN LAL TAM TAK

Doh is G.

1. Khawvelah hian lal tam tak an lo piang ta a,
Mahse Lal Krista ang hi an la piang ngai lo;
Van Lal Fa a lo piang, Lal kraun min khumtir tur,
Van mi zawng zawng pawhin min lawmpui ve rawh u.

I hlim ang, i lawm ang, van Lal Fa i fak ang,
A pianna ,lawmin leilung hi zaiin khat se;
Van Lal Fa a lo piang, Lal kraun min khumtir tur,
Van mi zawng zawng pawhin min lawmpui ve rawh u.

2. Van mipui chhiar sen lohten fak hla an rawn sa,
An aw mawi thangkhawk vel chu berampun an hria;
Lal Krista pianna chu fiah takin an hrilh a,
An beram kalsanin Lal chibai an buk a.

3. Khaw chhak mi fing pawh rimtui chawiin an lo kal,
Thangvana arsi engin hma a hruai zel a;
A chun riang Mari chawi lai nau chu an va hmu,
An ro bawmte hawngin Lal chibai an buk a.

4. Lal Herodan a hriatin a manganpui a,
Mi fingte a rawn, dera chibai buk tumin;
A pheisen ral a khawm Judai ram vela mi,
Chibai bukna rapthlak pek tumin an chhuak ta.

5. Isu, vawiinah hian kan thinlung bawng inah,
Lo piang thar leh la, Nang kan chatuan Lal turin;
Kan kut riang hi i chun Mari kut chantir la,
Chatuanin kan lawmin kan hlim kumkhua tawh ang.





MIZO CHRISTIAN FELLOWSHIP OF SINGAPORE
SERVICE TO GOD AND MANKIND


41. LAL PIAN HUN PANGPAR A VUL LEH TA


Doh is G.

1. Lal pian hun pangpar a vul leh ta,
Thinlai mu hnu lunglen a kai tho ve;
Van hnuai mihring Bethlehem tlang chungah,
Rinin thlain mi an thlawk kai.

Aw ka Lal nunnem, nangin min hruai zel la,
I chun leh zua karah sen lai nau ang i tahna
Hmun tual ka ngai.

2. Ngaih a na e, Bethlehem tlangpui !
Tlaini tla eng lenkawl a khum riai e;
Bawng in tlawmah ka Lal riangvai tak saw,
A chun ring Marin a chawi e.

3. Bethlehem Arsi a eng leh ta,
Eden thlan kawngkhar chhung a rawn chhun eng;
Harhin tho ru, Eden khua a var ta !
Kan tum ram chu i pan zel ang.

4. A va mawi em, Lalna ram thing chu !
Kan tan Bethlehem tlang a lo vul ta;
Hmana pi leh puten an hmuh phak loh,
Saron par tlanin kan leng e.









MIZO CHRISTIAN FELLOWSHIP OF SINGAPORE
SERVICE TO GOD AND MANKIND


10. MI BAWRHSAWM TE CHUAN


Doh is G

1. Mi bawrhsawmte chuan Doctor an ngai a,
Mi hriselte chuanin an ngai lo;
Kei misual ber leh thatna nei lo hian,
Chhandamtu Lal Isua ka ngai em che.

Lalpa, ka lawm e,
Thlemna tuifawnten min hual velin;
Chau thin mah ila,
Min tichaktu Lalpa, min hruaitu a ni si.

2. Bawhchhiatna te leh mualphona thlengin,
Nitin hian ka nun tibuai sela;
Ban ka tum chuang lawng e, i hnungzui hi,
Beisei leh kan dam chhan i ni si a.

3. I rawngbawl atan hian mifel chauhte,
Thlang lova, misualte min thlang hi;
A va ropui em, i hmangaihna hi,
Thinlung hian a thukzia a chhui phak lo.













MIZO CHRISTIAN FELLOWSHIP OF SINGAPORE
SERVICE TO GOD AND MANKIND

11. AW LALPA LAWMTHU KAN HRILH CHE

Doh is D

1. Aw Lalpa lawmthu kan hrilh che,
Malsawmna tinreng te nen;
Lal Isua min pek a vangin,
Chhandamna kan dawng si a.

I hnenah lawmthu kan sawi e,
Ei leh in silhfen te nen;
Boruak thianghlim ni eng ruah sur,
Malsawmna tinreng te nen.

2. I thilsiam rimawi ka hriat leh,
Rawng chi hrang mawi ka hmuh te;
Mihring siam chhuah thil hlu zawng hi,
Malsawmna min pek a ni.

3. Mangana min anpui turin,
Tih theih loh min tihsak tu;
Kal sualna laka min vengtu,
Kohhranho min siamsak a.

4. Thih lungngaihna ka tawh lai a,
Min hnemtu thenrual te nen;
Ka lungngaihna min chhawk zangtu,
Hmangaihtu min siamsak a.

5. Aw Lalpa lawmthu kan hrilh che,
Beiseina lawmawm vang leh;
Engkim siamtharna hun ropui,
Thleng thuai se kan nghakhlel hle.





MIZO CHRISTIAN FELLOWSHIP OF SINGAPORE
SERVICE TO GOD AND MANKIND


40. LAL LENNA ZION KHAWPUI


Doh is A

1. Lal lenna Zion khawpui tual nuam,
Ka thlir a mawi ropui mang e;
Van mite chhun leh zan chawl lovin,
Zion hla mawi ropui an sa.

Lawng chawlhna ( Lawng chawlhna )2
Chunglam Jerusalem
Lal hung chhung Beram No engah chuan;
( Beram no )2 A thianghlim e, a thianghlim e, tiin
Zion hla mawi ropui an sa.

2. A ta ka ni Van Lal ta ka ni.
Muangin a hnenah ka chawl ta;
Ka thuam pawh van Lal thuam a ni a,
Zion hla mawi ropui ka sa.

3. A mawi mange, Lal lenna Zion,
A laiah Nunna tui a luang;
Ni tla senglo Beram No lenna,
Zion khawpui kan ram a ni.












MIZO CHRISTIAN FELLOWSHIP OF SINGAPORE
SERVICE TO GOD AND MANKIND


39. KAN KOVAH LALPAN A NGHAT


Doh is B

1. Lal Imanuel-a ram zauh tur leh,
A hming tana do ve tur hian;
Mifing leh remhria ten an daih zo lo,
Kan kovah Lalpa’n a nghat ta.

Aw Lalpa, ropuina te, Chawimawina te, Lalna te,
Thuneihna te, Rorelna te;
Amen Amen, i ta an ni si a,
Halleluiah Amen.

2. Diabola leh a khawvel chawh buai a,
Ba-al hmaa thingthi thinte;
An nunna Kraws thu inthup hriattir hi,
Kan kovah Lalpa’n a nghat ta.

3. Kan tlin loh leh fel lohna haider a,
Khawngaih rawngbawla min thlangtu;
Chatuan thlenga fak leh chawimawi zel hi,
Kan kovah Lalpa’n a nghat ta.

4. Saltang chhuah dar vawtute khum tur in,
Nunna Lal lukhum chu an dah;
Mithianghlimte chawimawina lawmman chu,
Kan chanah Lalpa’n a nghat ta.








MIZO CHRISTIAN FELLOWSHIP OF SINGAPORE
SERVICE TO GOD AND MANKIND


12. MIN HRUAILA MIN KAIRAWH


Doh is D

1. Hun kha leh chen min kaihruaitu,
Hre lo hian maw ka lo vakvai;
Sual thim zingah hlimna zawngin,
Ka thla tuihalin a chau a.

Aw min hruai la, aw min kai rawh,
Khawngaih tha hrui, ka ngai em che;
Bo hmang ka ni aw ka Lalpa,
Keimah mai chuan ka kal thiam lo.

2. Ka zinna ram kawng chhukchhovah,
Thlemna thlipui an hrang lua e,
Pen khat pawh ka kal thiam nem maw,
Thlaler ramro ka pelh hma chuan.

3. Lungchhir mittui tla chung zel hian,
Tunah Lalpa ka lo kir e,
Khawngaih banin min kuangkuah la,
Ka thla muangin min chawlh tir rawh.

4. Hmangaih awm nemin min chhem a,
Lalpa, nang ngei ka rochan chu,
A va hlu em kei ka tan chuan,
Ka nun zawng hi i ta a ni.








MIZO CHRISTIAN FELLOWSHIP OF SINGAPORE
SERVICE TO GOD AND MANKIND


13. RIN VANGIN MOSIA


Doh is A

1. Rin vangin Mosia khan, Ramtiam a pan lain;
An hmaah Setan ral, Tui ang an lo lian a.
Lalpa sipai rualten, Hnehna an chan theih nan;
Mosia’n a ban a phar ta e.

Mosi, i ban phar reng rawh, Mosi, i ban phar reng la;
Lalpa sipai rualten, hnehna an chan theih nan;
Mosi, i ban phar reng rawh.

2. Hmangaih vangin Isuan, Kraws-a a tuarlai khan;
Kalvari Setan ral tui ang an lo lian a,
Sual bawiha tang zawng ten, hnehna an chan theih nan;
Isuan a ban a phar ta e.

Isu i ban phar reng rawh, Isu i ban phar reng la;
Sual bawiha tang zawng ten, hnehna an chan theih nan
Isu i ban phar reng rawh.

3. Hruaitu ropui Mosia, a rinawm ang khanin;
Kan Lal Isua Krista, hruaitu hmar arsi chu,
Kan tan a rinawm si, Van kawng min hruaitu an;
Lawm ru hma a hruai zel e.

Lawmru hma a hruai zele,lawmru hma a hruai zel dawn;
Kan tan a rinawm si, Van kawng min hruaitua’n,
Lawm r’u hma a hruai zel e.






MIZO CHRISTIAN FELLOWSHIP OF SINGAPORE
SERVICE TO GOD AND MANKIND


38. MIN HRUAI ZEL RAWH


Doh is E

1. Damlai khawvelah hian,
Lungawina kim reng ka hmu lova;
Manganna leh buaina, harsatna ten nitin min bawm,
Mahse, min hmangaihtu’n ka manganna a hria;
Min thlahthlam ngai reng reng lovang.

Chhandamtu min hruai zel rawh,
Damlai thlaler hmun khawhar ah;
Sual vanga hliam tuarin,
Chauh chang ni awm mahse;
I hnungzui zel hi, ka duhsam ber a ni,
Ka thlahthlam phal tawh ngai lovang

2. Min hmangaihtu Lalpa,
Nanglo chu tu dang nge ka belh ang;
Lungngaihna zan thimah hruaitu i ni, englai pawh in;
I tan rinawm lovin, phatsan thin mahila,
Min hnar mai bik suh ang che aw.

3. Krista hmangaihtuten,
Lungawina leh muanna chu an chang;
Rinna in an kal zel, ramte an la, kir an rel lo,
Keipawh rinna a dinga ral do thei turin;
Thlarauvin min hruai zel ang che.








MIZO CHRISTIAN FELLOWSHIP OF SINGAPORE
SERVICE TO GOD AND MANKIND

37. AW LALPA, I MALSAWMNA HLU

Doh is A

1. Aw Lalpa, i malsawmna hlu,
Kan engkim chungah a lang;
I thu lo chuan kan nunna hlu,
Kan neih zawng nen a ral ang.

Kan fak a che,
I khawngaihna kan hmuh hian.

2. Nangma khawngaihna kut ata,
Nunna leh chakkhai tinreng;
Hlobet pangpar, nung tinrengin,
An dawng thin malsawmnate.

Fakna hlate,
I hnenah an hlan kum tluan.

3. Aw kan Lalpa, engkim Siamtu,
Nangma kut chhuak zawng zawng hian,
Mangan lungngaiha min Vengtu,
Fak tawk lo che mah ila.

Min ensan suh,
I duhzawng min zirtir rawh.

4. Hunte, nite an ral zel a,
Khawvel thil mawite an chuai;
Kan sualna zawng zawngte Lalpa,
I theihnain a tihfai

Hun hmuh kan chak,
I chakna ring zel chung hian.





MIZO CHRISTIAN FELLOWSHIP OF SINGAPORE
SERVICE TO GOD AND MANKIND


14. AW PATHIAN, NANG LALBER I NI


Doh is A

1. Aw Pathian, Nang Lalber i ni,
Kan rilru min en thin;
Engkim kan ruat hi Nangmahin,
I hmu reng thin a ni.

2. Nangmah i muhil ngai lo ve,
Keimahni min veng thin;
Rilru tha tak min siam ang che,
Lalpa Isua vangin.

3. I thu thuin kan awm duh e,
I thu nunna a ni;
Chuvangin min hre reng ang che,
Nangma mite kan ni.



















MIZO CHRISTIAN FELLOWSHIP OF SINGAPORE
SERVICE TO GOD AND MANKIND


15. LAL ISUA, KAN THIAN THA BER


Doh is F.

1. Lal Isua, kan hian ha berin,
Kan mangan lain min lawm;
Ama hnena kan tawngtaiin,
Kan thlen apiang hi a pawm,
Muanna tam tak kan chan fo va,
Lungngaih, mangan kan tuar thlawn;
Engkimah Lal Isua ringa
Kan tawngtai loh avangin.

2. Thil hrehawm leh thlemna tawkin,
Buaina lo awm bawk sela;
Tuilairapa lungngaih aiin,
Isua lam tawngtai ila.
Amah tluk thian hlu leh rinawm,
Min pui tur kan hmu lo vang;
Kan sual, kan chak lohna zawng zawng.
A hre vek tawngtai ilang.

3. Rilru lamah chak lo ila,
Mangan, ritphurh nei pawhin;
Isua hlu hi kan humhimna
Lamah tawngtai ilangin.
Chhungten min tuithlar mah sela,
Thianten min hmusit sela;
Isua hnenah thu thlen ila,
Kan phaw hian min thlamuan ang.






MIZO CHRISTIAN FELLOWSHIP OF SINGAPORE
SERVICE TO GOD AND MANKIND


36. AW LAL PATHIAN, I KUTCHHUAK THILSIAM


Doh is C.

1. Aw Lal Pathian, i kutchhuak thilsiam tinreng,
Dawn changing mak tiin ka lo khat thin;
Zantiang siar zozai leh chung khawpui ri,
I thil tih theih boruak zauva lang nen.

Chutin fak che thlain a nuam Lalpa,
Aw, ropui ber, Aw ropui ber!
Chutin fak che, thlain a nuam Lalpa
Aw, ropui ber, Aw ropui ber !

2 Lentupui leh tukram phul leng fan changin,
Sirva zai mawiten sang thing tin awi e;
Khua chuan ila tlang sang tinreng a tangin,
Damten luang e, lui leh thlifim nuam te,

3. Lal Pathianin A Fapa chu zuah lovin,
Ka dawn seng lo, dairial changin a tir;
Kraws chungah chuan ka sual a phur lawm takin,
Thisen chhuakin a thi, ka sual tlanin.

4. Krista chu au thawn nen a lo kal hun chuan,
Min hruai ang, vanah hlimin ka khat ang;
Lawm takin ka chawimawi ang, A hma kunin,
Aw, Ropui ber, tiin ka fak tawh ang.








MIZO CHRISTIAN FELLOWSHIP OF SINGAPORE
SERVICE TO GOD AND MANKIND


35. AW, HMANGAIHNA KHAWVEL ENTU


Doh is E♭

1. Aw, hmangaihna khawvel Entu
Kalvari tlang thing kraws chungah,
Ka Lalpan a thlen chu,
Ka ngaihtuahin a va hlu em!
Thihna rapthlak ka tan tuarin,
Thisen hlu a luantir. ( 2 )

2. Khawngaihnaa khatin a tuar,
Lungngaih, thlaphan, hremhmun a ta;
Min rawn tlan chuak leh ta;
A felna zara nun nuama,
Ka thla van rama leng tur chu,
Ka fak ning thei lo vang. ( 2 )

3. He khawvel tawpah a tlante,
A van ram nuamah lungrualin;
Kan la intawk khawm ang,
Chutah lungngaih, thlaphannate,
Hrehawm, buainate a ral ang;
Tlangtu kan Lal hmaah. ( 2 )

4. Ni lawmawm a lo thleng thuai ang,
Kan Lalpain min hruai hunah;
A hmel mawi ka hmu ang,
Ka chhandamtu duh tak nen chuan,
Chatuan malsawmnaa lengin,
Ka fak tawp thei lo vang. ( 2 )





MIZO CHRISTIAN FELLOWSHIP OF SINGAPORE
SERVICE TO GOD AND MANKIND


16. PATHIAN THIL REL DAN CHU


Doh is C.

1. Pathian thil rel dan chu,
A va mak em !
Hriat phak rual loh a ni,
A tum zauzia;
Thil te ber pawh a veng,
Pathian ruat ang zelin,
Engkim a thleng.

2. Khawvel ram pum pui hi,
Aman a veng;
A kutan an awm vek,
Ama relan;
Hetah lo thiat mah se,
Hmun dangah a din thar,
Pathian ram din tur hi,
A tum a ni.

3. Thim chhahna lai ber pawh,
A lo eng thin;
A buaina lai ber pawh,
Chiang tawk takin,
A lo veng fel thuai ang,
Thihna lui ralah chuan,
A thawh dan lan hunin,
Mak kan ti ang.







MIZO CHRISTIAN FELLOWSHIP OF SINGAPORE
SERVICE TO GOD AND MANKIND


17. AW, MI SANG TAM TAK ZAITE CHU


Doh is G.

1. Aw, mi sang tam tak zaite chu,
Tlantu ropui fakin;
Kan Pathian ropui ber tlantu
Hmangaihna chu fakin.

2. Aw kan Lalber, min hruaitu chuan,
Chakna min pe ang che,
He mi khawvel zawng chungah hian,
I thu puang darh turin.

3. Lal Isua hming min muantu hi,
Kan lungngaih tikingatu;
Mi sual tan pawh ri mawi a ni,
Min thlamuantu ber hi.

4. Sualna zawng zawng hnehtu chuanin,
Mi tangte a chhan chhuak;
A thisen hlu tak chu a pe,
Keini min chhandam nan.













MIZO CHRISTIAN FELLOWSHIP OF SINGAPORE
SERVICE TO GOD AND MANKIND


34. IMANUELA THI ZAMAN


Doh is C.

1. Imanuela thi zaman,
Thisen lui a luang chhuak;
Chu thisen lui mi sualte tan
Sual tlenfaina a ni.

2. Mi sual thi tur an khenbeh khan,
Chhandamna lui a hmu;
Amah angin sual mah ila,
Min la ngaidam duh e.

3. Kalvari tlang mawi takah chuan,
Chhandam lui a luang chhuak;
Chu lui fima ka inbual chuan,
Ka sual a tlengfai ang.

4. Thil dang aiin i hla mawi ber,
He khawvel thlan hmunah;
Nangmah fakin ka zai zel ang,
Nangin min chhandam a.

5. Thisen lui chu ka lo hmuhin,
Khawngaihnain a khat;
Chatuan pawhin a kang lo vang,
Mi sual faina lui chu.








MIZO CHRISTIAN FELLOWSHIP OF SINGAPORE
SERVICE TO GOD AND MANKIND


33. THINLUNG THIANGHLIM




1. (Thinlung thianghlim min siam leh ang che Lalpa,
Ka thlarau min tihharh sak leh rawh…) 2
I hnen atangin min paihbo suh ang che,
I thlarau thianghlim min lak sak suh aw,
I chhandam hlimna kha min neih tir leh ang che Lalpa,
Ka thlarau min tih harh sak leh rawh….


























MIZO CHRISTIAN FELLOWSHIP OF SINGAPORE
SERVICE TO GOD AND MANKIND


18. MANGANG LEH LUNGNGAIA TAN I TUMTE HIAN


Doh is E♭

1. Mangang leh lungngaia an i tumte hian,
I beidawn dawn apiangin lo harh zawk lang;
I pian tirh a ta Pathian thilthlawnpek che,
A malin chhiar la, mak i ti ngei ang e.

Thilthlawnpek ngun takin chhiar heuh la,
Pathianin mihring a vur thin kha;
Malin chhiar la, nangma chan mai chu,
Mak ti rengin i fak phawt ang a petu.

2. Mi henkhat hausate chu i it dawn chuan,
Isua chatuan thilpek duh che ngai ve la;
Sumin an lei theih loh thil i chan fo hi,
Ngaihtuah bawk la, lawmin i lo khat a ni.

3. Hrehawmna i chungah lo thleng fo sela,
Ka thatna tur a nih chu, tiin ngai la,
Rangkachak thianghlim nan mei an hmang angin,
Pathianin thil harin mi a siam tha thin.

4. I chungah khua lo dur se ringhlel suh la,
Pathianin engkim chungah ro a rel a;
Khaw dur, khaw thiang nenin lei a lo tha si,
Mihring siam that nan khaw dur a ngai a ni.







MIZO CHRISTIAN FELLOWSHIP OF SINGAPORE
SERVICE TO GOD AND MANKIND


19. KAN PATHIANIN MIN HRUAI ZEL THIN


Doh is D.

1. Kan Pathianin min hruai zel hin,
Chu chu hriain ka lawm em em;
Ka thiltih zawng ka tih a piang,
Ama kutin min hruai zel thin.

Min hruai zel hin, min hruai zel thin,
Ama kutin min hruai zel thin;
A zuitu fel tak nih ka duh,
Ama kutin min hruai zel thin.

2. A chang changin ka lungngaiin,
A chang changing ka lo lawm thin;
Hlauhawmah leh hlauhawm lovah,
Ama kutin min hruai thin.

3. Thil engpawh ka chungah thleng se,
Lungngai lovin ka lo lawm ang;
Huai tak pawhin ka awm reng ang,
Ama kutin min hruai zel thin.

4. Khawvela thil ka tih zawhin,
Ka sualte pawh ngaihdam niin,
Ka thih dawnin ka hlau lo vang,
Ama kutin min hruai zel thin.








MIZO CHRISTIAN FELLOWSHIP OF SINGAPORE
SERVICE TO GOD AND MANKIND


32. LAL ISUA CHAKNAA INNGHATIN


Doh is G.

1. Lal Isua chaknaa innghatin,
A tanpui ang che, a pui ang che;
A hmangaih thlawn lo i rin tlat chuan,
A zai hlimtir ang che.

A chakna leh a hmangaih ring la,
A chakna leh a hmangaih a lang;
A chakna leh van in khi en la,
Chhandamtu chu i hmu ang.

2. Lal Isua chaknaa innghatin,
Kawng a tieng ang, a tieng ang;
A hruainaah che lawma zuiin,
A aw nem awih zel la.

3. Lal Isua chaknaa inghatin,
I buaina pe rawh, Amah pe rawh;
I phur chu rit em mah selangin,
Lal hnenah tawngtai rawh.

4. Lal Isua chaknaah innghat la,
I engkim pe la, engkim pe la;
Hmangaih leh khawngaihin a khat e,
A ensan lo vang che.








MIZO CHRISTIAN FELLOWSHIP OF SINGAPORE
SERVICE TO GOD AND MANKIND


31. ISUA NEIH KA DUH ZAWK


Doh is D.

1. Isua neih ka duh zawk, ro hlu ber aiin,
A ta nih ka duh, lei sum zawng neih aiin;
Isua neih ka duh zawk, ram leh in aiin,
A kut thirkhen mi hruaina ka thlang zawk e.

Ram zau taka Lal ber ni mah ila,
Sual thunun ka nih si chuan;
Isua neih ka duh zawk, thil dang zawng aiin,
Khawvel zawng ai pawhin.

2. Isua neih ka duh zawk, chawimawina aiin,
Rinawma Amah tan tlat fo ka duh zawk;
Isua neih ka duh zawk, hmingthanna aiin,
A hming thianghlim tak chu chawi ka nuam zawk e.

3. Lili par mawi ber aiin a mawi zawk e,
Khawizu thlum ber ai pawhin a thlum zawk si;
Ka thla ril tam tan chaw tha ber a lo ni,
Lal Isua ka duh ber, min hruaitu atan.













MIZO CHRISTIAN FELLOWSHIP OF SINGAPORE
SERVICE TO GOD AND MANKIND


20. KA CHHANDAMTU CHU TAWK TURIN


Doh is D.

1. Ka chhandamtu chu tawk turin,
Kut ruakin ka kal ang maw?
Ni khat mah a rawng bawl lovin,
Engnge ka pek tak ang aw !

Ka chhandamtu chu tawk turin,
Kut ruakin ka kal ang maw?
Thlarau pakhat mah hruai lovin,
Ka tawk dawn, ka chhandamtu.

2. Thih chu hrehin ka lungngai lo,
Chhandamtun min hruai vangin;
Mahse ruaka ka tawk tur hian,
Min tihrehin ka lungngai.

3. Kum ral ta zawng zawngte kha aw !
Koh kir leh theih ni sela,
Ko kirin, Chhandamtu hnenah
Lawm takin ka pe tawh ang.

4. Ringtu zawngte u, tho ula,
Ni a la en chhung hianin;
Thihin a nan hma che u hian,
Thlarau bo tan thawk rawh u.








MIZO CHRISTIAN FELLOWSHIP OF SINGAPORE
SERVICE TO GOD AND MANKIND


21. KA THINLUNGAH MUANNA


Doh is D♭

1. Ka thinlungah muanna, he khawvel hriat ngai loh,
Thlamuanna taktak chu a awm;
Buainaten chhum angin min hual vel mah sela,
Ka hlau lawng muanna ka nei alawm.

Amahah ka awm reng, Isua ka ta,
Amahah ka awm reng, aw van lawmna;
Malin ka awm ngai lawng e, a tiam ka hnenah,
Ka kalsan lo vang che, Isua ka ta.

2. Chhandamtu Lal fakin engkim zaiin ka hria,
Thlamuanna duhawm lo thlenin;
Buaina a kiang zo ta, thimna a eng zo ta,
Ka zai zel ang, Lal Isua fakin.

3. Chu ro hlu tak mai chu, Leia ka vah chhung hian,
Lalpan min vawntir hlum belah;
Alo kal leh ngei dawn, chu ni ropuiah chuan,
Min thlan ngei anga, ka van inah.













MIZO CHRISTIAN FELLOWSHIP OF SINGAPORE
SERVICE TO GOD AND MANKIND


30. KHAWNGAIHNA MAK


Doh is A.

1. Khawngaihna mak,mawi leh duhawm,
Sual riangvai chhandamna;
Suala bo hnu min zawng hmu ta,
Mitdel mit varna chu.

2 Hlauhna hmuna ka awm min hrilh,
Ka hlauh min hneh sak ta;
Ka rin ve leh a khawngaihna
Duhawm a lo lang ta.

3. Thawhrim, thlemna hlauhawm karah,
Thui tak ka lo kal ta;
Khawngaihna mak min hruitu tur,
Ka van in thlen thlengin.

4. Chuta, kum sang sawm ral hnuin,
Ni eng mawi takah chuan;
Fakna hun tan ang a ni ang,
Chatuana zual zel tur.












MIZO CHRISTIAN FELLOWSHIP OF SINGAPORE
SERVICE TO GOD AND MANKIND


29. LAL PA, I RAWNGBAWLA MIN KOH HI

Doh is E.

1. Lalpa, i rawngbawla min koh hi
Hriain, sual, chak lohna phuar vel hi;
Hlau leh khuarin, beiseinain,
Tawmkai lo leh bawlhhlawh, puih ngai,
I chakna ring ka lo kal e.

Tu tan danga nung tawh lovin,
Ama rawng chauh bawlin;
Chatuan kulh che rual lo, inhung chu,
Tuarna zara ka ta ani;
Zam tur reng ka lo nih loh hi.

2. I ruala kal dan min zirtir la,
I thu ni se, ka dam chhung hlaan;
Kalvari hmangaih fim mawi leh
Khawngaih thutiamin min thuam la,
I rawngbawl fo theihna turin.

3. Ka kal zel ang,aman min awmpui,
Khawvel hnehna chu ka ta a ni;
Buaina chhum leh thlemna fawnten,
Min chim pawhin chhantu ka nei,
A ta ka ni, chatuan Lal ta.

4. Chatuan famkimna hmun thlen hunin,
A ropui dawn Krista zarah !
Riangvai, chanhai, hnehtu lian chan,
Vohbik, chawimawina Lallukhum
Changa, kei, ka ding ve tur chu.





MIZO CHRISTIAN FELLOWSHIP OF SINGAPORE
SERVICE TO GOD AND MANKIND


22. ENGVANGNGE LALPA


Doh is D.

1. Eng vang nge Lalpa, lei mihringte hian,
Kan thinlung nangma lama kan tihkhauh thin le?
I chhandamna thilthlawnpek thlarau damna hi
Haiderin kan boral dawn em ni?

Lalpa hei chauh hi kan ngen a che,
Kan thinlung sual leh luhlul tak hi;
I thlarau thianghlimin rawn luah la,
Nangma lamah min hip leh rawh.

2. Kan dam lai nite a lo ral hun chuan,
Kan lawmna khawvel mawina sual na zawng zawngte;
Chatuanna boralna hmun kan pan hunah chuan,
Thinlung khauh luhlul a sawt tawh lo’ng.

3. Hei chauh hi chatuan nunna chu a ni,
Nang Pathian tak leh i tirh Lal Isua rin hi;
I thutiam chatuan thlengin a danglam ngai lo,
Nangma hnen rawn pan i hnar ngai lo.













MIZO CHRISTIAN FELLOWSHIP OF SINGAPORE
SERVICE TO GOD AND MANKIND


23. VAN NUAMAH CHUAN TUTENGE CHENG


Doh is D.

1. Van nuamah chuan tutenge cheng,
Isua, Pathian nen inpawl reng?
Angel varho leh mi thianghlim,
Naupang Isua lawmte pawhin,
Hlim tawp hlau lovin an awi thin.

Tingtang mawiin, an sa hlim thin,
Kalvari thu an hriat phak chin,
Tin, an nawn a, Haleluia !
Haleluia !

2. Engngahnge an inkhap zawh loh,
Tlantu fakin hla an sak fo?
Isua hmangaih ropuizia hlu,
Chatuana lang zual deuh deuh chu,
Anmahni varzia nen an hmu.
















MIZO CHRISTIAN FELLOWSHIP OF SINGAPORE
SERVICE TO GOD AND MANKIND


28. LUI HNAR A AWM THISENA LUANG


Doh is G.

1. Lui hnara awm, thisena luang,
Kalvaria chhuak chu;
Chu thisen lui, mi sual tak chuan,
Faina a hmuhna chu.

Aw, Kalvari lui mawi tak,
Ka tan i lo luang chhuak.

2. Mi sual thi tur an khenbeh khan,
Faina lui chu a hmu;
Amah tlukin sual mah ila,
Min tihthianghlim theih chu.

3. Lalpa duh tak, I thisen hlu,
Tam takin an hre lo;
Chhandamte chuan hei hi an hmu.
An phurrit a lum bo.

4. Ka rinnain lui chu ka hmu,
A luang ka ram thlengin;
Min hmangaihna ka thupui ber,
Ka thih ni thleng pawhin.










MIZO CHRISTIAN FELLOWSHIP OF SINGAPORE
SERVICE TO GOD AND MANKIND


27. ISU, KRAWS MI HNAIHTIR RAWH


Doh is F.

1. Isu, Kraws mi hnaihtir rawh,
Tuikhur hlu awmna kha;
Damna tui mi tin chhuahna,
Kalvaria luang kha.

Kraws-ah chuan, Kraws-ah chuan,
Ka ropui awm rawh se;
Ka thlarau lui piah lama
Lawm taka chawlh thlengin.

2. Kraws kiangah thlarau khurin,
Khawngaihnain min tawk;
Varparh Arsi eng tak chuan,
Ka vel a chhun eng e.

3. Aw, Pathian Fa Kraws hlu chu,
Ka mithmuhah thlen la;
Hahdam turin min pui la,
Ka chung zawn tihlim rawh.

4. Kraws kiangah ka nghak reng ang,
Beisei leh ring chungin;
Hmun mawi tak ka thlen thlengin,
Lui ral leh lamah chuan.








MIZO CHRISTIAN FELLOWSHIP OF SINGAPORE
SERVICE TO GOD AND MANKIND


24. MIN HRUAINAAH CHUAN KA KAL ANG


Doh is E♭

1 Min hruainaah chuan ka kal ang,
Amah chu ka rin avangin;
Kalvari-ah chuan a thi a,
Ka tan a thi tih ka hria a.

Chhun zanin Isuan min hruai ang,
Kawngtluanin Aman min hruai ang;
Ka tan thian rinawm ber a ni,
Kalvari ka hriat reng vangin.

2 Aw, a thupekah ka lawm a,
A kut chaka min kaih ka chak;
Min duhdakna ka tan a thlum;
Kalvari thisena bual chu.

3. Ringhel leh hlau lovin ka kal,
Hlim takin Chhandamtu kiangah;
Kalvari-a ka thian Isua,
Eng tik emaw ka la hmu ang.













MIZO CHRISTIAN FELLOWSHIP OF SINGAPORE
SERVICE TO GOD AND MANKIND


25. KA CHENNA RAM THLALER A NI, LALPA


Doh is B♭

1. Ka chenna ram thlaler a ni, Lalpa,
Thlemna chhum leh lungngaihnaten;
An hliah fo Chhandamtu hmel duhawm,
Lalpa, I hnena awm reng ka duh.

Ka tawngtai ngaithla la,
Ka dil malsawm ang che;
I aw nem nghakin ka lo thu,
I thlamuanna, I thlamuanna aw chu.

2. Hmanah Geth-si-mani-ah lungngaiin,
I tan venpuitu an awm lo;
Kei pawh i hniakhnung rawn zui vein,
Lalpa, I tanpui ka ngai a ni.

3. Buaina chhum kara ni eng mawi tak chuan,
Ka thinlung thim chu a rawn en;
Kalvari-a hmangaih lo lang kha,
Hril turin Lalpa min pui ang che.

4. Hrehawm mah se i ta ka ni, Lalpa,
I tan nung turin min pui la;
Ka hun zawng i tana hman ka duh,
I tan chauh min tithianghlim ang che.








MIZO CHRISTIAN FELLOWSHIP OF SINGAPORE
SERVICE TO GOD AND MANKIND


26. LALPA, I AW NEMA


Doh is E♭

1. Lalpa, i aw nema,
Min kohna chu ka hria;
I thisen hlua lo fai nan,
Kalvaria luang khan.

Lalpa, ka lo kal,
Nangmah bel turin;
Bualin, silin, min tleng la,
I thisen hlu luang khan.

2. Chak lo leh sual berin,
Lo kal mah ilangin;
Ngangmah ka chakna ber i ni,
Ka sual i tlengfai ang.

3. He lei leh vanah khian,
Beiseina leh remna;
Rinna leh khawngaihna famkim,
Atan – Isuan min ko.

4. Fak ru, thisen hlu chu,
Fak ru, tlanna duhawm;
Fak ru, Krista, kan Lal lawm pek,
Kan chakna, felna chu.


























.

Vawiin Inkhawm 49 Kan Tling!!!

Vawiin Singapore Mizo Inkhawm chu mi 49 lai mai kan inkhawm a, kan hriat theih chinah chuan inkhawm kan tam ber tum a ni awm e. Rev K. Lalrinkima'n Lalpa Zanriah Sakrament a buatsaih a, Pathian thuchah ropui leh zirtir neitha tak tak min hrilh bawk a ni. Kan hlawk tlang hle. Mizo Inkhawm a inkhawm theuh turin Singapore Mizote kan in sawm ngal bawk a ni e.

Trinity Theological College Kum 60 Tling Ta

Trinity Theological College chu vawiin hian kum 60 a pumhlum ta. Kum 60 chuang lai kaltaah khan Japanin Singapore a awp laiin Changi prisonah kohhran hruaitu thenkhat ten a thuphungin Theological College din ho tha an tih thu an sawihova. Chu chu bawhzuiin a tirah chuan Anglican, Methodist leh Presbyterian ten intawmin Union College an din ho ta a ni. A hnu kum sawm velah Lutheran hian an belh ve leh ta bawk a. Chuvangin tunah hian heng kohhran palite hi neitu chan chang chu an ni.

Trinity Theological College hi Singapore-ah chuan Theological College hmasa ber a ni a. Asia khawchhak lamah hian a lar ber pawl leh tha ber pawla ngaih ani. Chinese leh English department te awmin zirlai hi 300 vel an ni tlangpui thin. Zirlaite hi Asia ram hrang hrang leh Australia, Africa, USA leh Europe ram thenkhat atanga lokal an ni ber a. D.Th, M.Th, M.T.S, M.Min, M.Div, B.D, leh diploma course thenkhatte offer a ni thin, Nakkum atang khian D.Min zirna hawn ani bawk ang. Zirlaite hi kohhran chitin kalkhawm an ni a. A chunga neitu kohhran pali bakah khian Independent kohhran hrang hrang leh pentecostal kohhran hrang hrang, Roman Catholic leh national church chi hrang hrangte atanga kalkhawm an ni.

Khawvel hmun danga Seminary/University tha Cambridge, Princeton, Dallas Theological Seminary leh thenkhat dangte nen inlaichinna tha taka siam ani a. Khawtual kohhrante nen hian inhne hnaiin seminar leh workshop buatsaih fo thin a niin special course chi hrang hrang hawn a ni thin bawk. Singapore hi kawtchhuah pawimawh tak anih avangin mithiam ho zin vel hian chawlh an ching hle a, special talk leh lecture tha tak tak ngaithlak tur a awm deuh reng thin.

Singapore leh New Zealand te thawk dun dawn

Singapore leh New Zealand chu lung leh cancer natna beih kawngah an thawk dun dawn. Singapore a Agency for Science, Technology & Research Council chu New Zealand a Health Research Council chuan lung natna leh cancer enkawl lamah hma la dawnin Sing Dollar Million 3.78 research project and ruahman.

He hmalakna hi heng ram pahnihte tan chauh ni lo khawvela mitin tan chanchin lawmawm tak ani awm e. Mizote zingah pawh hian lung natna nei leh cancer natna nei mek kan tam hle a. Kan ei leh in leh kan inenkawl danah hian kan fimkhur a ngai ta hle mai. Exercise kan la tlem lutuk te hi lung natna kan neih na chhan tam tak chu a niin a rinawm. Tunlaia China milk scandal hian kan rama mita lungte awm, kala lungte awm etc tam lutuk te hi min tihrechhuak thar a. Kan ei leh in atang hian an ni thui viau lawng maw le?

Malaysia taxi driver te hmingchhia

Malaysia rama chanchinbu pakhat The Expat chuan Malaysia taxi driver te chu khawvela taxi driver tha lo ber niin a chhuah. He thu hi ramdangmi hnathawk leh khualzin ram 33 vel atanga mi 200 vel an zawh atanga ziak an ni.

Malaysia taxi pute hian meter hmang duh lova khualzin chinchang hre lo zawk te an chawi tur let emaw a aia tam daih emaw chawi tir an ching hle a. Meter hmang chuan an tlan tha duh thin lo. Chuvangin ramdang mi tamtak chuan khwvela ram an tlawh tawhah taxi driver that lohna hmun ber niin an sawi hial. Biak an nuam lova, an taxi a tha lova, an service a tha hek lo, hman mai tur a awm lo thin bawk niin an sawi. Malaysia ramin khualzin hip tura tan a lakna hlawhtling tak chu taxi pute hian an ti hmelhem hle niin an hria.

Mizorama kan taxi driver te hi hnamdangte hian engtinge an hmuh ve ang aw? Keimahni Mizote ngei pawh hian survey nei ve ta ila engnge an an ang le?

Pathianni Inkhawm Programme

Tun Pathianni lo awm tur 5th October 2008 MCF, Singapore inkhawmah Rev K. Lalrinkima'n Lalpa Zanriah Sacrament a buatsaih dawn anih kha. Tan hun chu kan hun hmadan pangngai angin chawhnu lam dar 2 ani ang.