Tuesday, September 30, 2008

Singapore-ah Mizo Chhungkaw Thar

Singapura khawpui, Singapore tia hriat lar takah hian Mizo te hi awm ve nual tawh mah ila Singapore Mizo Christian Fellowship ah hian chhungkua hi kan la nei ngai lova. July ni 13 2008 khan Pu C.Vanlalramsanga (Sangmama) leh a nupui Pi Malsawmtluangi (MSi) leh an fapa Vanmalsawma(Sawmtea) te chu hun engemaw chen min awp lum turin N.Delhi lam atangin an rawn thleng hlawl mai le. Singapore Mizoten kan inkhawmnaah Mizo naupang tlan terh terh kan neih vawikhatna ani.

Pu C.Vanlalramsanga, Rev.C.Vanlalhruaia Ramhlun 'S' fapa hi Indian Economic Service (IES) thawk lai mek niin tunah hian Lee Kuan Yew School of Public Policy ah speciality course kum khat zir tura lokal ani a. Lokal thei tur hian exam pawimawh tak tak leh interview te paltlangin kumin atana India ram atanga Singapore sorkar scholarship hmu phak mi pathum zingah a tel ani. Pi MSI hi Pu H. Darzika, Mizorama (Serchhip DC) fanu a ni bawk.

Hetiang chhungkuain Singapore Mizote hun engemaw chen min rawn awp thei tur hi kan thla a muang tak zet a. Tuna kan blog pawh hi Pu Sangmama hma lakna a ni nghal pang mai. A chungah kan lawm takzet.

3 comments:

Anonymous said...

Sangmama kha a solo thin a nia aw. Thusawi thiam tak a ni bawk a.
Lo hmang tangkai rawh u.(JZZA)

kima said...

Hriat tur anih chu a tihchi dawn khawp mai.

Anonymous said...

He he..Prof John a ta mai mai thin hi a!!