Tuesday, September 30, 2008
Singapore-ah Mizo Chhungkaw Thar
Singapura khawpui, Singapore tia hriat lar takah hian Mizo te hi awm ve nual tawh mah ila Singapore Mizo Christian Fellowship ah hian chhungkua hi kan la nei ngai lova. July ni 13 2008 khan Pu C.Vanlalramsanga (Sangmama) leh a nupui Pi Malsawmtluangi (MSi) leh an fapa Vanmalsawma(Sawmtea) te chu hun engemaw chen min awp lum turin N.Delhi lam atangin an rawn thleng hlawl mai le. Singapore Mizoten kan inkhawmnaah Mizo naupang tlan terh terh kan neih vawikhatna ani.
Pu C.Vanlalramsanga, Rev.C.Vanlalhruaia Ramhlun 'S' fapa hi Indian Economic Service (IES) thawk lai mek niin tunah hian Lee Kuan Yew School of Public Policy ah speciality course kum khat zir tura lokal ani a. Lokal thei tur hian exam pawimawh tak tak leh interview te paltlangin kumin atana India ram atanga Singapore sorkar scholarship hmu phak mi pathum zingah a tel ani. Pi MSI hi Pu H. Darzika, Mizorama (Serchhip DC) fanu a ni bawk.
Hetiang chhungkuain Singapore Mizote hun engemaw chen min rawn awp thei tur hi kan thla a muang tak zet a. Tuna kan blog pawh hi Pu Sangmama hma lakna a ni nghal pang mai. A chungah kan lawm takzet.
Singapura khawpui, Singapore tia hriat lar takah hian Mizo te hi awm ve nual tawh mah ila Singapore Mizo Christian Fellowship ah hian chhungkua hi kan la nei ngai lova. July ni 13 2008 khan Pu C.Vanlalramsanga (Sangmama) leh a nupui Pi Malsawmtluangi (MSi) leh an fapa Vanmalsawma(Sawmtea) te chu hun engemaw chen min awp lum turin N.Delhi lam atangin an rawn thleng hlawl mai le. Singapore Mizoten kan inkhawmnaah Mizo naupang tlan terh terh kan neih vawikhatna ani.
Pu C.Vanlalramsanga, Rev.C.Vanlalhruaia Ramhlun 'S' fapa hi Indian Economic Service (IES) thawk lai mek niin tunah hian Lee Kuan Yew School of Public Policy ah speciality course kum khat zir tura lokal ani a. Lokal thei tur hian exam pawimawh tak tak leh interview te paltlangin kumin atana India ram atanga Singapore sorkar scholarship hmu phak mi pathum zingah a tel ani. Pi MSI hi Pu H. Darzika, Mizorama (Serchhip DC) fanu a ni bawk.
Hetiang chhungkuain Singapore Mizote hun engemaw chen min rawn awp thei tur hi kan thla a muang tak zet a. Tuna kan blog pawh hi Pu Sangmama hma lakna a ni nghal pang mai. A chungah kan lawm takzet.
Sunday, September 28, 2008
Singapore Mizo Inkhawmna Lamtluang
Singapore Mizote kan pung ve zel a. Chawlhni inkhawm kan neih apiangin mithar, inkhawm vawikhatna lawmluh tur kan nei thei ziah mai hi malsawmna ropui tak a ni.
Singpore a ka kal ve vawikhatna 2001 ah te kha chuan Fellowship te chu awm ve mah ila member kan thahnem lo hle a. Chawlhni tin kan inkhawmin inkhawm lo pawh hi kan inhre vekin thahnemngaih a na duh hle. Fellowship Chairman khan ( hun engemawti chhung chu chairman hranpa nei lovin pastor senior kan ring mai) member te a han phone zung zung a, lo kal thei lo turte kan inhre vekin a chhan te kan hre kilh kelh a. Lokal tlai turte lamin kan hriain kan innghak kim hram hram thin. Kan vai deuh thawin kan inkhawm thin chung pawh khan 10 hi kan pel thui vak ngai lo. Tlem ber tumin 4 chauh nih chang te pawh a awm. Mahse kan tlem aiin kan hlim phian zel a, tawngtai lama kan thlarau mi Pi Hnuni(RIP) te khan min tinungin kan member kan tawngtaipui tam tak Pathianin a venhim ziate kha mak tak a ni.
Sept 9 2001 a kan inkhawmna thin Trinity Theological College campus thara a insawn atang khan keini pawh inkhawmna kan sawn ve a ngai ta a. Anglican kohhran Chapel of the Holy Spirit in min lo mikhual thei hlauhte kha kan lawm teh zawng anih kha. Chapel of the Holy Spirit pawh chu kum hnih vel kan hman hnuah an sak that dawn avangin kan chhuahsan a ngai leh a, riakmaw va an sawi ang maiin riahrun belh tur kan zawng leh ta ruai ruai a. Tichuan Charis Assembly of God ah rei vak lo chu kan inhamtang a, mahse nuam kan ti chiah lo nge ni rei vaklo hnuah tawp sanin engemawti chen chu inkhawm pawh kan han tikhat a. Chutia baihvai angreng taka kan awm lai chuan Uncle Wong Lee-a te chhungkuain an inah inkhawm mai turin min phalsak ta. Singaporeah hian ina inlen pawh hi an ching vak lova, thiante pawh hi ina lengah an insawm vak lo. Hetiang khawtlang leh culture-ah Uncle Wong Lee-a te chhungin an ina Mizo inkhawm min phalsak hi thil namai ani lo khawp mai. Lawmthu kan thiam ang tawk chuan kan sawi ve thin.
Mimal ina inkhawm chu thil tihreng theih a nih loh avangin inkhawmna dang kan zawng leh ta a. Tichuan tuna kan inkhawmna St. John's St.Margaret a an pastor hian kan harsatnate min hriatsakin hmun indaih loh hle mahse min siamsak ta hram a, a tawp a tawpah chuan inkhawmna hmun mumal kan nei ve leh ta. Inkhawmna kan zawn thin vel lai hian lu a hai duh hle. Member thahnem deuh ni ila hawh man te pe thei dawn ila hmun tha deuh pawh a awm nen chutiang han cho tham meuh kan awm rih si lova. Kan hmelhriat lohte huana theihai rah hmin thlir ang maiin kan thlir vauh vauh thin anih kha. Rualawh a na duh thin khawp mai.
Kan inkhawmna thar room lian vak lo pawh chu Biak In sak that dawn avangin an thiat leh pek dawn a, mang a ang thar leh ta. Biak In neitute lah chuan room min pek theih tur leh tur loh an chiang lawk thei bik si lo. Chutia a khat tawka kan inbiaka kan ngen kan ngen hnuah chuan engemaw ti tiin tuna kan inkhawmna hi min pe ta hlauh mai a, kan thaw ve huai mai. Duhthusam ni lo mahse kan member zat nen pawh kan inhmeh tawk viauva, hlim pawh kan hlim tlangkhawp mai. A room a len avangin kan thawl hle a. Engtikah tak luah khat zo awm ang maw kan ti rilru thin.
Tunah chuan kan lo pung ta a, luahkhat zo chu kan awm ta reng mai. Kan khawhar thin laite ngaituahin leh mizo hi mi 25 tal awm ve ila, inkhawm hi mi 20 te han tling ve ila chuan a nuam awm mang e kan tih thin laite kha khuarei an lo chang zo ta. Kan inkhawm pawh 40 kan pelh changte a awm ta a, thutnain min daih loh mai hlauhthawn changte kan nei ta hial mai. Mi 20 tal inkhawm ila kan tih kha 20 aia tlem inkhawm kan nei ta meuh lo. Pathian hnenah lawmthu i sawi ang u.
Singapore hi ram te takte ni mahse khawvela ram changkang leh hmingthang ber pawl ani a. Thil zi r peih tan thil tha lam zawng zir tur a tam hle anih hi. He khua hi mizote tlangnelna khawpui a la ni deuh deuh dawn a. Chuvangin member tinte pawhin midangte lokal ve theih nan tangkai i tum ang u. Mizote hi hnam thang duang tak kan ni mek a, thiltha a awm chuan tha lo a awm ve fo angin kan than danah hian erawh chu kan duhtui a tul khawp mai. Sualna ni changkanna ani lova, awm duhdah hi changkang zia ani hek lo. Pathian lawm tlakin thawkin nung ila, hma i sawn ang u; tichuan kan inchhir ngai dawn lo nia.
Singpore a ka kal ve vawikhatna 2001 ah te kha chuan Fellowship te chu awm ve mah ila member kan thahnem lo hle a. Chawlhni tin kan inkhawmin inkhawm lo pawh hi kan inhre vekin thahnemngaih a na duh hle. Fellowship Chairman khan ( hun engemawti chhung chu chairman hranpa nei lovin pastor senior kan ring mai) member te a han phone zung zung a, lo kal thei lo turte kan inhre vekin a chhan te kan hre kilh kelh a. Lokal tlai turte lamin kan hriain kan innghak kim hram hram thin. Kan vai deuh thawin kan inkhawm thin chung pawh khan 10 hi kan pel thui vak ngai lo. Tlem ber tumin 4 chauh nih chang te pawh a awm. Mahse kan tlem aiin kan hlim phian zel a, tawngtai lama kan thlarau mi Pi Hnuni(RIP) te khan min tinungin kan member kan tawngtaipui tam tak Pathianin a venhim ziate kha mak tak a ni.
Sept 9 2001 a kan inkhawmna thin Trinity Theological College campus thara a insawn atang khan keini pawh inkhawmna kan sawn ve a ngai ta a. Anglican kohhran Chapel of the Holy Spirit in min lo mikhual thei hlauhte kha kan lawm teh zawng anih kha. Chapel of the Holy Spirit pawh chu kum hnih vel kan hman hnuah an sak that dawn avangin kan chhuahsan a ngai leh a, riakmaw va an sawi ang maiin riahrun belh tur kan zawng leh ta ruai ruai a. Tichuan Charis Assembly of God ah rei vak lo chu kan inhamtang a, mahse nuam kan ti chiah lo nge ni rei vaklo hnuah tawp sanin engemawti chen chu inkhawm pawh kan han tikhat a. Chutia baihvai angreng taka kan awm lai chuan Uncle Wong Lee-a te chhungkuain an inah inkhawm mai turin min phalsak ta. Singaporeah hian ina inlen pawh hi an ching vak lova, thiante pawh hi ina lengah an insawm vak lo. Hetiang khawtlang leh culture-ah Uncle Wong Lee-a te chhungin an ina Mizo inkhawm min phalsak hi thil namai ani lo khawp mai. Lawmthu kan thiam ang tawk chuan kan sawi ve thin.
Mimal ina inkhawm chu thil tihreng theih a nih loh avangin inkhawmna dang kan zawng leh ta a. Tichuan tuna kan inkhawmna St. John's St.Margaret a an pastor hian kan harsatnate min hriatsakin hmun indaih loh hle mahse min siamsak ta hram a, a tawp a tawpah chuan inkhawmna hmun mumal kan nei ve leh ta. Inkhawmna kan zawn thin vel lai hian lu a hai duh hle. Member thahnem deuh ni ila hawh man te pe thei dawn ila hmun tha deuh pawh a awm nen chutiang han cho tham meuh kan awm rih si lova. Kan hmelhriat lohte huana theihai rah hmin thlir ang maiin kan thlir vauh vauh thin anih kha. Rualawh a na duh thin khawp mai.
Kan inkhawmna thar room lian vak lo pawh chu Biak In sak that dawn avangin an thiat leh pek dawn a, mang a ang thar leh ta. Biak In neitute lah chuan room min pek theih tur leh tur loh an chiang lawk thei bik si lo. Chutia a khat tawka kan inbiaka kan ngen kan ngen hnuah chuan engemaw ti tiin tuna kan inkhawmna hi min pe ta hlauh mai a, kan thaw ve huai mai. Duhthusam ni lo mahse kan member zat nen pawh kan inhmeh tawk viauva, hlim pawh kan hlim tlangkhawp mai. A room a len avangin kan thawl hle a. Engtikah tak luah khat zo awm ang maw kan ti rilru thin.
Tunah chuan kan lo pung ta a, luahkhat zo chu kan awm ta reng mai. Kan khawhar thin laite ngaituahin leh mizo hi mi 25 tal awm ve ila, inkhawm hi mi 20 te han tling ve ila chuan a nuam awm mang e kan tih thin laite kha khuarei an lo chang zo ta. Kan inkhawm pawh 40 kan pelh changte a awm ta a, thutnain min daih loh mai hlauhthawn changte kan nei ta hial mai. Mi 20 tal inkhawm ila kan tih kha 20 aia tlem inkhawm kan nei ta meuh lo. Pathian hnenah lawmthu i sawi ang u.
Singapore hi ram te takte ni mahse khawvela ram changkang leh hmingthang ber pawl ani a. Thil zi r peih tan thil tha lam zawng zir tur a tam hle anih hi. He khua hi mizote tlangnelna khawpui a la ni deuh deuh dawn a. Chuvangin member tinte pawhin midangte lokal ve theih nan tangkai i tum ang u. Mizote hi hnam thang duang tak kan ni mek a, thiltha a awm chuan tha lo a awm ve fo angin kan than danah hian erawh chu kan duhtui a tul khawp mai. Sualna ni changkanna ani lova, awm duhdah hi changkang zia ani hek lo. Pathian lawm tlakin thawkin nung ila, hma i sawn ang u; tichuan kan inchhir ngai dawn lo nia.
Rev K.Lalrinkima pawh a lo thleng leh ta!
Rev K. Lalrinkima, tuna Union Christian College, Barapani, Shillong a Chaplain hna Mizoram Synod aiawh a chelh mektu chu Singapore Trinity Theological College-ah Doctor of Philosophy beih chhunzawm turin a rawn thleng leh ta. Pu Lalrinkima hi Singapore Mizo Christian Fellowship kaihruaitu leh hun hmasa lama a kul a tai a tang a ni. Singapore-ah hian hun rei tak lo awm tawh in Trinity Theological College-ah bawk hian Mth a lo zir chhuak tawh a ni. Hun engmaw chen Singapore Mizote min awp leh dawn niin ka hria a kan thla a muang tak meuh meuh a ni.
Friday, September 26, 2008
28th September 2008 Inkhawm Programme
Pathianni lo awm tur-ah khian September thla chhunga kan inkhawm hnuhnug ber tur atan inkhawm kan nei leh dawn anih kha. Tan hun chu kan tih thin dan pangngai angin chawhnu lam dar 2 a ni ang. Kan Vice Chairman Tv Siamkima'n inkhawm min kaihruai ang a Pu C. Vanlalramsanga hnen atangin thuchah kan ngaithla ang.
Singapore Mizo
Singapore-ah hian Mizo engmawzah kan cheng ve ta a. A lukim chuan 100 dawn lai kanni ve tawh awm asin mawle! A tam zawk hi Tahan, Myammar lam atanga leh Mizoram, India lam atanga lokal khawm kanni a. Singapore-ah hian lehkhazir te, hnathawk te leh zin veivak te a awm kanni ber. He blog hi ram hrang hrang a Mizo awmten Singapore a Mizo cheng mek te min hriatpawh theihnan leh helam a lo zin tum, hnathawh tum leh lehkhazir tum te tan a tangkai theihnana siam a ni e. Kan rawn update zel ang.
Subscribe to:
Posts (Atom)