Tuesday, October 12, 2010

MCFS Outing @ Sentosa




2010 October MCFS News

Pope Britain zin

Roman Catholic kohhran luber Pope Benedict XVI chu September thla khan ni li chamin Sapramah a zin a, ropui takin an lo chawimawi a ni.

Sapram-a a cham chhungin Pathian ringlomi (atheist) ten chak taka Kristianna an beih chungchangah ringtute nghet taka ding turin a fuih a. Catholic puithiam thenkhatten naupang sex an lo hman pui \hin avangin pawi a tih thu a sawi bawk a ni.

A bik takin Pope chuan ringlomi te ngaihdan leh chetzia hlauhawm dan chu Hiler-a Nazi nen a teh khin hial a, chu chu England-a milar then khat ten an kalh hle a ni.

Khawvela sakhaw lianber hruaitu chuan nunphung (culture) hmasawn kawnga Kritian sakhaw kaihhruaina hi ‘kan hun chhunga thil pawimawh ber a ni’ tiin a sawi bawk.

Sapram mihring zinga 39% hi ringlomi niin BBC survey chuan a hmu a, Political party lian Labour Party hruaitu thar Mr Ed Miliband leh a u Foreign Minister hlui David Miliband te pawh sakhaw nei lo zinga chhiar an ni. MailOnline

++++++++++

Senate-in Tuai leh Patil hnawl

US Senate chuan America sipai-a tuai leh patil ‘an nihna’ anga pawm tur dan duan thar chu September thla khan a hnawl a ni.

Senate member 100 zinga 60 in an ‘Amen’ chauhvin dan awmsa siam tha turin tih nun theih a ni a, tuai leh patil khapna dan hlip duh 60 an tlin loh avangin kum 17 chhung an lo hman tawh dan hlui angin an kal zel rih dawn a ni.

US sipai chuan tuai leh patil-te chu sipai atan ‘official’ in a pawm lova, mahse ‘don’t ask, don’t tell’ tih policy a hmang a. Chu chu, thuneituten tuai leh patil te nihna ‘official’-a zawh loh tur a ni a, chutiangin tuai leh patil te pawh’n an nihna ‘official’ in sawi chhuah loh tur a ni.

Sipai inkaihhruaina ‘dan’ in a pawm loh avangin ‘tuai leh patil’ nihna ti langsar 14,000 te chu sipai atanga chawlhtir an nih tawh thu The New York Times chanchinbu chuan a sawi a, he dan paih a, tuai leh patil an nih ang anga pawm tura \an lak a tum thu President Obama-an a tiam fo tawh \hin a ni.

Khawvel hmun hrang hrangah tuai leh patil ten pawm an hlawh sawt hle a, Iceland ramah phei chuan ‘dan’in serh in ang ‘official’a inneih a phal niah an Prime Minister Johanna Sigurdardottir chuan ni tlak nghak zo lovin a hmeichhe nihpui nupui-ah a nei nghal a ni. Associated Press


++++++++++

Kumin PR la tlem dawn

Singapore Deputy Prime Minister Wong Kang Seng-a chuan kum dang aiin Permanent Resident (PR) lak tlem an tum thu a sawi a.

Nikum khan PR diltu 132,000 an awm a, 59,500 ten an hlawh tling a ni. Singapore mihring zat chuan maktaduai 5 a pel hret tan a, chung zinga 540,000 te chu PR an ni a.

Khawvel sumdawnna a tlakhniam avangin Singapore mi tamtakin hna an hloh a, hna zawn hmuh mai a har thuah ram miten PR tam tawh lutuk vang niin an hmu a ni.

PR te hian rammi (citizen) te ang deuh thawin duhsak an hlawh a, sorkarin mipuite ngaihdan hre thiamin rammi leh PR inkarah hamthatna (entirnan, school fee ang chi) an dawn dan a ti hrang hret hret \an a ni. The Strait Times/CNA

++++++++++

F1 Singapore Ferrari-Alonso chak

Formula One (F1) motor intlansiak September 26 zana Singapore-a neih zawh takah khan Ferrari Team atangin Fernando Alonso a chak a, 2008 khan Renault aiawhin a lo chak tawh \hin bawk a ni.


Red Bull driver Webber-a pa 3 na niin a Team-pui Sebastian Vettel-a’n pahnihna a hauh bawk.

Nikuma heta chak Lewis Halminton erawh Webber-a motor nen an in nek avangin a tawp thleng a khalh chhuak thei ta lo a ni.

Formula One-ah hian Team 12 atangin driver 25 ten ram 19 ah intlansiakna an nei a, an chak dan a zirin mark pek niin mark hmu tamber leh chak ngun ber chu champion-a puan a ni ang.

Singapore-a intlansiakna hi zana neih awm chhun a ni a, khawchhung hmun laili MarinaBay area-ah SingDollar maktaduai 150 senga buatsaih a ni.

Agencies


++++++++++

Biakin buaina ti fel

Kawlram Methodist Kohhran leh Wesleyan Kohhran te Biakin chungchanga buaina chu Kohhran hnihten ‘inremna thuthlung ziakin’ tihfel a nih tawh thu hriat a ni.

Methodist Kohhran hruaitu hlui pakhat hnen a\anga thu kan dawn danin Wesleyan Kohhran chuan Satawm Biakin leh Chapel an chang ang a, Methodist Kohhran chuan Minister Quarters (Pastor chenna in) an chang ang. Tin, Wesleyan Kohhran chuan (an mahni puala an sak) Biakin leh Hall hmun Methodist an pe bawk ang tih a ni.

Sanmyo Biakin Pui pawh Wesleyan Kohhranin an chang a, Methodist chuan Chapel (Thalai inkhawmna) an chan bakah Kyats nuai 150 Wesleyan in an pe bawk ang tih a ni.

1996/97 atang khan a nawlpuia Methodist chhuansana Wesleyan Kohhran-a lutte leh an Kohhran hlui inkarah Biakin leh Kohhran bungrua neitu nih chungchangah buaina nasa tak a chhuak a ni.

+++++

Dan pelin I puten an cheibawl che em? Police rawih I hreh pawhin tanpuitu dang an awm:

HOME : Ph 6341 5525, 6341 5535

HOPES : Ph 6275 5725

++++++

Kalay township Candidate List

November 7 a buatsaih tur Burma Inthlanpuia Tahan-Kalaymyo bial atanga Party hrang hrang candidate-te:

1. Amyota Hluttaw (Raja Shaba MP)

CPPU - U Khin Maung Yi

USDP - U Thein Hlaing

NUP - U Mya Pye

2. Pyittu Hluttaw (Lok Shaba MP)

CPP - Pu Khawtuahlala

USDP - U Tin Hlaing

NUP - U Aung Moe

3. Region Hluttaw - 1 (State MLA)

CPP - Pu Khaw Tin Thang

USDP - U Sein Win

NUP - U Kyaw Myint

4. Region Hluttaw - 2

CPPPu Zam Khen Thang

USDP - U Khin Maung Than

NUP - U Pye Tin

5. Chin tain-yin-ta Hluttaw (State MLA tana Chin quota)

CPP - Pu No Than Kap

USDP - U Cin Lian Mang

NUP - U Cin Za Pum

CPP - Chin Prograssive Party

USDP - Union Solidarity and Developement Party

NUP - National Union Party

*USDP hi sipai sorkar Party a ni a, NUP hi General Ni Win-a Socialist Party hming thleng a ni. Chinworld/MCFNews

++++++++++

Titanic’s Actress hranghlui a herliam

Titanic film-a lawng pil bo hnua dam khawchhuak pitar anga changtu Gloria Stuart-i chu kum 100 niin Los Angeles a ma inah Sunday zan (26 Sep 2010) khan lungphu chawlin a thih thu a fanu Syliva Thompson-i chuan a sawi a.

Hollywood mawitu, bansam buang vunngo inkhai thli mitmeng mawi leh hmel\ha tak mai Pi Stuart-i hi chuap leh hnute cancer natna khirh tak takin na tawh \hin mahse mi chakvak leh hlim thei tak a ni \hin thu a fanuin a sawi bawk.

The Invisible Man, Gold of Diggers of 1935 leh Two Shirley Temple movies-ah te chuan larin a lo hmingthang tawh \hin a. Tichuan acting hna chu a chawlhsan ta vang vanga kum 30 a lo vei hnu,kum 1970s khan lemchana lam a rawn let leh ta a ni.

Kum 1912 a khawvelin chhe thei lo tura a ngaih Titanic lawng pui a chetsualna flim changturin kum 1997 khan James Cameron-a’n thlang lo ta se, a hringnun khawvelah chhinchhiah tlak lung phum a phum lo mai thei, mahse Sturat-i hian lawngpui chetsual \uma dam bang la awm chhun kum 101 mi Rose Calvert-i ang khan a chang a, Kate Winslet-i kha a nulat lai angin a chan tak kha. Winslet-i in Best Actress leh Sturat-i hian Supporting Actress Oscar nomination an hmu ve ve a ni.

Sturat-i hi a fanu enkawl leh bawisawmnain kum 100 leihringnun a hmang a, tu chhuan khatna mi pali leh tu chhuan hnihna mi 12 hmel a hmu hman a ni. Today, Wikipedia, BBC

++++++++++

Lammualah Artificial turf phah \an

AR Lammual-a phaitualhnim siam chawp (artificial turf) phah hna chu September 22 khan \an a ni.

Artificial turf hi Goa leh Kolkotta-a salt lake stadium-ah chauh phah ala ni a, AR Lammual hi India rama pathuamna tur a ni.

He artificial grass phahna atan hian cheng nuai 400 ruahman a nih thu thuneituten an sawi a, metre 107 (feet 351) a sei leh metre 70 (feet 229) a zau anih tur thu an sawi bawk. Thla 3 chhunga zawh beisei a ni a, feet 1-a thuka siam a nih tur thu hriat a ni bawk.

Artificial grass phah tur hian lei laih khuar a ni ang a, chumi hnu-ah chil muk leh vek a ni dawn a, hemi hnu hian hnim to theih lohna tur thil phah a nih hnuah boulder phah leh a ni ang. Hemi hnu hian rawra sin dah leh a ni ang a hemi hnu hian artificial turf/grass hi phah chauh tur a ni. Grass phah tur chu inchess 2 a chhah tur a ni.

Pavilion(stage) awmsa pawh cheng nuai 70 senga sawn tura ruahman a ni. Hemi hnuaiah hian official leh player te changing room bakah player leh mipui tan inthiarna siam tel a ni dawn bawk.

Grass phah hna hi FieldTurf Tarkett, USA leh India rama an thawhpui te chuan an thawk dawn a, a turf hi cheng vbc 1.7 niin October thla chhunga a lo thlen theih beisei a ni a, company hian kum 8 chhung an enkawl dawn a ni.

The Zozam Times

+++++

Chiahpuam thubuai ngaihtuah

Chiahpuam kaihhnawiha thubuai \henkhat chu, September 21 khan Chief Judicial Magistrate Court-ah ngaih tuah a ni a; Chiahpuama a bul tumtute zinga mi, C Lalmuanpui leh LH Vanlalzapi te ukilte Court-ah hian an inlan.

Chiahpuam chungchangah hian C Lalmuanpuii leh LH Vanlalzapi te hi mi pathumin an khing a, he thubuai kaihhnawiha pawisa tarlan zat belhkhawm chu Rs. 1,15,32,55,581 a ni.

C Lalmuanpuii lakah hian C Lalbiakzauva’n Court-ah thubuai a thehlut a, Chiahpuama sum táng a tarlan zat chu Rs. 15,95,35,781 a ni a; Lalmuanpuii lakah vek hian C Lalbiakzuali’n Rs. 12,71,26,800 chungchangah thubuai a thehlut bawk. Hetih lai hian, K Lalramnghaki pawhin LH Vanlalzapi lakah Rs. 86,65,93,000 chingpen chung chang thubuai a thehlut bawk a ni.

Thu dawnna pakhat chuan, Chiah puama sum tang leh buaina awm hi Court-in a chinfel hma chuan tihfel a ni dawn lo a, sum dahtute hnenah pawh an pawisa tángte pek chhuah theih a ni dawn lo niin a sawi. Vanglaini

+++++

Lalruanga Dawibur zir dawn

India sorkar laipuia Department of Biotechnology chuan, Mizorama thlai chi khat, Lalruanga Dawibur chu damdawi atan a \hat leh \hat loh zir chiang turin RIPANS-a Sr. Lecturer, Dr H Lalhlenmawia a ruat a, a zirchianna atan cheng nuai 20 a pe nghal.

Dr H Lalhlenmawia chuan, Lalruanga Dawibur hi zunthlum leh ulcer damdawi atan a tha tih \hin a ni a, a \hat dan leh \hat loh dante a zir chiang dawn tih a sawi a, hna \an thuai a tum thu Vanglaini a hrilh bawk. Vanglaini

++++++++++

NIIT Centre hawng

Mizoram Information & Communnication Technology Minister, Zodintluanga chuan, 15 September khan Chanmari-a NIIT Aizawl Centre thar chu a hawng a; Minister chuan, NIIT chu Mizo \halaite hnena IT lam zirna \ha tak pe tura a beisei thu a sawi.

NIIT (National Institute of Information Technology) Aizawl Centre hawnna inkhawm hi Chanmari YMA Hall-ah neih a ni a, Minister chuan, NIIT Aizawl Centre chu tum hma lama lo din tawh, hun rei lo têa tâwp leh ta nia sawiin, zùzî mai lo turin a chah a, “Mizoram \halaite hi IT lamah an tuihâl a, zirna tha an mamawh a ni,” a ti a; zirna tha pe lo a, sumdawn nan maia an hman sorkarin a remti lo tih a sawi bawk.

NIIT hi India ram pum bakah, ram pawn thlenga inzar pharh an ni a, computer course hrang hrang zir theihna a ni. Vanglaini

+++++

CWG Security tha tawk

October ni 3 a hawn Comonwealth Games tan venhimna lam uluk tawka ruahman a nih thu thuneituten an sawi.

India ramin Inkhelhna a thlen tawh zinga ropui ber turah hian veng himtu atan Police nuai khat rawih an ni a, Army comando tam tak bakah Air Force lam pawhin thlawhna nen an vil reng a ni.

Tin, inkhel leh a entute ‘zawng kawlh’ laka venghim turin ‘zawng’ huai chi 38 an hawh thu hriat a ni bawk.

September 19 khan Delhi-a tourist-te tlawhhlawh ber te zinga mi Jama Masjit Mosque bulah terrorist pahnihin tourist bus silai nen an kapa Taiwan rammi pahnih na takin an hliam thuah Commonwealth Games inkhel turte thla a ti phang hle a ni.

Tin infiammite chenna tur Games Village thinghlim tawk loh chungchangah media lamin an sawisel nasa hle a, inkhel tur \henkhat phei chuan an \hulh phah nghe nghe a ni.

Commonwealth Games-ah hian ram leh hmun hrang hrang 71 a\angin inkhelmi 6000 chungin intihsiakna chi 16 hmanga inkhel tur an ni a, a hawnna inkhawmah Mizo nulain Zothuam nen India team hma a hruai bakah sawmna angin Mizoram a\angin Cheraw-kan show a ni bawk. Reuters/BBC

++++++++++

Happy Birthdays!!

Lalhmuakliana 91220557 Oct 2

Lalchenpuia 98955295 Oct 2

Lalrinpari 81344806 Oct 3

Vanmalsawma 81757456 Oct 7

Lalrindiki 81771949 Oct 7

Lalnunpuii 82659342 Oct 12

Lengpuia 90747424 Oct 12

Lalrinkima 90769194 Oct 14

Francis Lalhmingawia 84120761 Oct 16

Lalzampuii 85488550 Oct 20

Lalropari 81063795 Oct 25

++++++++++

Setember Thla Inkhawm Report

5 Sep

Hruaitu : Pu V.L Hruaia

Thawhlawm: S$-207.80 Hun neitu: Revd.Chawngsangvunga

leh Revd. Ngenchhuana Refreshment tumtu:

Biakin nei tute

12 Sep

Hruaitu : Tv Lalrawngbawla

Thawhlawm: S$ 105.80

Hun neitu : Nl R.K Malsawmi

Refreshment tumtu:

Nl Pensawnthangi

19 Sep

Hruaitu : Tv Lalhriattira

Thawhlawm: S$ 92

Hun neitu: Joshep Lalhmachhuana

Refreshment tumtu:

Nl Pensawnthangi

26 Sep

Hruaitu : Tv Sangtea

Thawhlawm: S$ 81

Hun neitu : Nl Lalchhandami

Refreshment tumtu: MCFS

Note: MCFS Inkhawm a chanvo nei tur chuan Biakin thleng hma thei \hin ila. Tin, chanvo kan hlen thei dawn lo a nih chuan Secretary-te I hrilh hre thin ang u.

++++++++++

October Thla chanvo neitu tur te

3.10.2010

MCFS Outing

10.10.2010

Chairman : Laldinpuia (Valbuanga)

Hun neitu : Pu Lalduhsaka

17.10.2010

Chairman : Nl Lalsangliani

Hun neitu : Joseph Lalhmachhuana

24.10.2010

Chairman : Nl Lalchhandami

Hun neitu : Pu Lalsiamthanga

31.10.2010

Chairman : Nl Lalramdinpuii

Hun neitu : Tv Sangtea (Zohmun)

++++++++++

Editorial

Mihringte hi awmna hmun a zirin \awng a danglam thei khawp a, Mizo theuh theuh Chhak lam leh Thlang lama thil hming kan sawi dan inang lo tam tak sawi tur a awm a.

Aizawl lama ‘Tomato’ an tih hi Kawlphaiah chuan ‘Bawkbawnthur’ an ti a, thlai chi dang pakhat ‘Rahnal’ tia Tahan lamin an hriat chu Khawthlang mite chuan ‘Bawrhsaibe’ an ti thung. Cooking oil hi Burma Mizo te chuan ‘Chhitui’ an tih laiin Mizoramah chuan ‘Tel’ an ti daih thung.

Kan chhehvel-a chengte \awng kan lak tamtak pawh a awm a, thil, a tak nilo (original ni lo) hi Burma Mizo te chuan Burmese \awng \awmin ‘a \uh’ (Acid anga lam rik tur), original dik tak sawi nan ‘a sit’ (Acid ang thoa lam rik tur) an hmang mai \hin.

Ka han sawi tum zawk tak chu tun tuma MCF News kan siam lain buaina chikhat kan tawk a, chu chu computer-a lehkha ziakna programe chikhat (software) ‘a \uh’ kan hman palh vang a ni; ziah zawh hmain a chawl zel a, lehkha chhut apiang thumal dang daih a lo lang thul, he PageMaker software ‘a \uh’ hian kan hun a ei hek nasa hle a ni.

(Internet a\angin ‘a sit’ lei kan han tum chhin a, SingDollar 499 an lo chhiar a, MCF News budget-in a tlin loh deuh hret avangin kan dawr chhumzawm duh rih lova. Thlalehah chuan tunhma angin ‘a sit’ kan neih MSWord hman kan tum a.)

India leh Burma lama computer chhe siam ngai tam tak khi computer chhunga hnathawktu software ‘a \uh’ kan hman \hin vang ni berin ka hria. ‘A \uh‘ hian a hmangtute a tih buai \hin bakah ‘a sit’ (original) siamtuten an thawhhah man an dawn tur angin an dawn loh phah bawk a ni.

Thil dangah kan tlin lo a nih pawhin Mizo khawvelah kan phak tawkin thil reng reng ‘a sit’ hman tum i la, hnampuizia pawh a ni. Abiktakin CD/VCD leh Film chhuak tharte hi in copy sak mai mai lovin, ‘a sit’ ngat lei sak zel i la, kan artist-ten sum an lo hmuh phah ang a, changtlung zawkin a dang an siam theih pah dawn a ni.

Singapore MCF member-te chuan Mizo Hla MP3 leh 4 bluetooh a\anga in lak/sem mai lovin ‘a sit’ lei tum hram hram i la, hemi kawnga mite entawn tlak kan nih theih nan.

++++++++++

Article

Tu pu nge? Tu pu mah, a ma tar

By hawilopar

Thil engkim tan hun ruat a awm ani, pian hun a awma, thih hun a awma, lakkhawm hun a awma, paih darh leh hun a awma, nuih hun a awm, \ah hnun a awma,..etc tia Bible-in a lo sawi lawk angin, Naupan lai hun a awm a, Nulat Tangval hun a awm a, chhungkaw bul \an a, nupui/pasal neih hun a awm bawk a.

Khuanu venhimna zarah, chung hun te te chu a lo her chhuak a, a her liam rualin, mimal tin tan, mahni phu tawk a, in ang lo theuhin hun thar lo her, chuan puia vawiin thleng hian, thlei bik leh thliar bik nei lovin mimal tinte chungah ang khatin a la thleng dik zel a. Hei ha, hui ha,,, kei ni teh hi ‘Tu Pu nge? Tu pu mah a matar’ tih hla hi hnutiang chhawn a, ‘Kan tana hun thar, kum tin blanket (puan lum) thar lei belh leh thuah belh ziah ngaih tawh lohna hun thar hi lo her chuak ve ang em le?’ ti a, kil khat a\anga lo phun bui bui lah bo lo.

Kum a lo vei a, \uan\ul vang zawkin pore khawpui changkang tak takah te, hmuh ngailohte hmuin, la hriat ngai lohte hriain, lengvel mah ila, ‘vawiin thlenga a ngaite kan la awh hi chu’ tia beidawng ti tih mahse rilrua ngaihven reng \hin ten:

‘Hman...hmanah chei raw khai a lawi dawn e’ tia tlei tir, kekawr zuih, lubuk hun lai a\ang tawh khan mi mo lawmnaah ka kal zat zat, mo lawm kal tam lawmman chu sem dawnse chuan min hmaih bik lo tur, hmm..!! Mite inneihnaa a phur phura lo \an \hin pawh hi, hmuh zawh loh vang tih chiah ka hlawh a. Khawtlang chhiatni, thatniahte pawh tlawmngai fal, hotu chin chelhin, mi nu leh pa ten ‘a va’n fel tak, en tawn tlak a ni’ ti \hin mahse la, an fanu/fapa tan mi duh tak tak der si loh hian, ‘Fel’ tih fakna \awngkamah chiah hian an tawp \hin a.

Company-ah, office-ah, hnathawhna hmun chi hrang hrangah te mi an lo senior chuan a kai sangin din hmun \ha an changin an chelh a ni ngai, kei ni ve hi zawng kan senior tulh tulh kan ‘luck lo tulh tulh mai zawng a nih hi maw le’.

‘Awi..... ka D, hmangaihnain kham chin leh ramri a nei lo a sin’

‘Koh kir theihse nun hlui zawngte kha;

In D bang lovang, duhten ka pawm nang,

|uan\ul vangin, pore khawpuiah valeng dang zawng zingah;

Nghilh ni reng i awm si lo, thin lai’an i cham,

Tu dang ngai lo, suih lung rualte a, lenlai ni ka ngai \hin mange;

Mahse maw, tunah zawng, tawn mangah an chang zo ta,

A ringval hai ang ka tar bik lo tur;

Run hmunah leng dunin,

Fanau malsawm chawi a, hringnun lam tluang zawhnaah hian;

‘Tu pu nge? Tu pu mah, a matar’ min ti bik lo tur.

++++++++++

Chibai Mang Tha U Le!

By Kawlchuani

He tah hian khaw hmun nghet kan nei si lova, khaw lo la awm tur chu ka zawng zawk a a ni. (Heb 13:14)

Khawvelah hian mikhual kan ni a, khawi hmun pawh hi kan hmun leh ram a nih loh avangin hawn a tul leh \hin. Chhiartu duh tak te, he lehkha ziak in chhiar hian hun rei lo te chhung chuan in mitthlah ka cham ve theih ka in beisei hle. Chutih hunah chuan Singapore-ah ka awm tawh dawn lova.

Singapore hi ka khual zinna ram a la nih leh chhawn avangin hun rei tak a ta tawh ka lo kal san ka ngaih ban theih loh leh ka ngaihtuahna nasa taka luah \hintu,’Hrai duh leng’ te hnenah ka hawn a lo hun ve ta der nia. He hun lo thlen hun tur hi nghakhlel takin ka lo thlir thin a, a takin Lalpa’n damna nen min hruai thleng ve ta.

Hawn hi ka lo chak thin khawp a mahse, a hun a lo thlen tak tak chuan hawn hi a lo chakawm ber lo. MCF huanga ka lawi luh ni a\angin lungrual taka kan han inkhawm ho te, kan awm ho te ka hmuh hian a nuam ka ti in MCF a tel reng hi ka chak khawp mai. Ka taksa in zingah tel tawh lo mahse ka ngaihtuahna mitthlaah chuan incham reng ang.

Mihring kan nih chuan khawiah pawh awm ila, kan inhumhimna tur in, kan chenna mai bakah hmun pakhat chu kan mamawh a ni, kal sualna, manganna laka min hum a, min hnem turin Kristiante inpawlho na, in suihkhawmna Kohhran hi kan belh a ngai a. Chu chu kan ngaih pawimawh tawh loh chuan keimahniah chian lohna a awm ti ila, a sual tam lo viau ang.

Singapore-ah pawh zofate tan kan \awng ngeia Pathian biak theihna lo ruahmantu kan hruaitu hmasa te, vawi’n thlenga MCF lo chhawm nungtu kan hruaitu fel tak tak te an fak awm hle. MCF a lo ding hi ka lawm tak tak a ni.

Singapore a awm mekten MCF hi chhawm nung zelin a thla zar hnuaiah himna a awm a ni tih ring hlel lo ula, chu mirual chuan mi tlem te kan nih hre rengin in thlah thlam mai lovin inpui tawn a, in pum khatna vawng nung zelin lungrualna nghawngkawl in lo bat za ho ka duh sak a che u.

MCF Hruai tute leh member zawng zawngte in za vaiin Chibai mangtha u le.

++++++++++

LAWMPUINA

15 August khan kan Fellowship Secretary Pu Joshua-a leh Merry Lalchhuanmawiite chuan Pathian malsawmna dawngin Fapa duhawm tak Joel Lalnunhlua an nei a MCF ten kan lawmpui em em a ni.

MANGTHA

Kum rei tak MCF member rinawm leh \angkai lo ni \hin Pi Kawlchuani chuan a chhungte fin turin Burma min hawnsan a, ui em em chungin kan mangtha liam ta a ni.

KEIMAHNI

2 Oct 2010 khan MCFS General Committee-Meeting neih a ni a, rorel tlangpuite chu:-

(I). MCFS din champha denchhenin kum tin May thlaa chawlhni hmasa ber hi MCFS Day atan hman niin Special taka hman tur a ni.

(II). December 5 ah 2011 MCFS hruaitu tur thlanna neih tur a ni a, Inthlan Chairman leh a puitu atan Tv Zoramchhana leh Nl Rosangzuali-te ruat an ni.

(III). Kristmas leh Kum thar lawmnan thil \ul zawng zawng buaipui turin Sub-Committee din a ni a, kan thlan te:-

1. MCFS Chairman (Pu FVL Hruaia)

2. MCFS Secretary (Pu Josua)

3. Tv Thangpia 4. Nl Rosangzuali

5. Pu Laldinpuia

IV. Kum khatah vawi 1 tal Retreat neih theih tum a ni a, kumin a tan November 27 (9am - 5 pm) ruat chhin a ni, min kaihruai tura kan PSPC (kan Biak In) Pastor Rev Dr Ridge Orr lo dawr turin Asst Secretary ruat a ni.

++++++++++

NEPNOIS

1. Tlangval pakhat poh ramdangah school a kal a, a Nu a Phone-a an exam a pakhatna a lak thu chu a nu a hrilh ta a, “Aw.. valte, a va han poi tak em, tun chu sawmna tal lo lak theih i tum dawn a nia aw”. [By Awmi]

2. Zirtirtu: Mawia, pathum leh pali belh engzat nge?

Mawia: Ka hre lo.

Zirtirtu: Um thum leh um li belh engzat nge?

Mawia: Um sarih.

3. Vawk pa tilkaih pakhat pawh a chhuak a, an \henawm vawkpui a lo va khuaikhem a, vawkpui neitu chuan vawkpa neitu hnenah ‘sawn man’ 5000 a dil a, vawk no te an lo piang a, zawrh a hun velah vawkpa neituin ‘ka tu leh fate’ tiin a va chhuah hmiah.

4. |hian thar chhar

Singapore Embassy of Myanmar-a First Secretary (thu nei ber pathumna) ni\hin kha U Mang Hau Thang (Teddim) a ni a. Tum khat chu Biaka’n a hlawh atanga 10% tax a va pe a.

First Secretary : Biaka, nang Mizo te maw? (Teddim \awngin)

Biaka : Hi mah e, Lawmpa.