Tuesday, January 20, 2009

Mei zuk nasat dan

Singaporean zingah meizu za zelah 12 vel an awm laiin Singapore a awm hnam hrang hrang zinga mei zu nasa ber Thai national ho zingah chuan mei zu hi za zelah 50 aiin an thahnem zawk. Mei zuk dan survey lak naah hian hnam(nationality) hrang hrangte mi 200 theuh zir chian an ni a, chuta tang chuan teh a ni. mei zu zingah nitina thlan tlaa hnathawk an tam ber a, hah taka hnathawh hnua taksa leh rilru intih hahdam nana zu anni ber. Singaproe sorkarin mei zuk tih tlem nana hma a lakna kawng pakhatah chhiah lak tipungin sikret man to teh mahse zu thang tawh ho an kawm naah chuan sim mai an tum loh thu leh zuk zat erawh chu tihtlem deuh deuh an tum thu an sawi hlawm.

Mi Thar

Singaporeah mi thar kan pung tluang zel. Pathianni kan inkhawm pawh 40 aiin kan tlem ta meuh lo. Pathianni kalta pawh khan naupang telin mi 42 kan inkhawm. MCFS a rawn inkhawm vawi khatna mi panga kan nei a, chung te chu: Rosangzuali Rangoon, Lalchhandami Aizawl Chanmari, Vanlalchhawna Zohmun, Laltlanzuali Tahan, Lalnunmawii Tahan. Mi tharte kan lawm ache u.

Friday, January 16, 2009

Pathian ni apianga inkhawm tawh tur

Singapore Mizo Christian Fellowship committee chuan 2009 ah hi chuan Chawlhni tin inkhawm tawh nise tih a rel chu bawhzui nghal a ni a. Inkhawmna hmun min hmantirtu St. John's St Margaret Church thuneitute biak nghal an niin chawlhni tina hman min phalsak ta. February atang chuan MCF te chawlhni tin kan inkhawm tawh ang. Member te pawh chawlhni tin inkhawm tura kan inbuatsaih tlan a tha awm e.

Thursday, January 8, 2009

Haw Ta

Kan Adviser nu leh pa, Rev. C. Vanlalhruaia leh Pi K. Vanlallawmi te chu Singapore ah kar khat zet an cham hnuin nimin Nilaini khan Zoram lam panin min hawsan leh ta. An cham chhung reiloteah MCF te min ngaipawimawhin min uap tha hle a, thuchah tha tak te kan ngaithla theiin nu leh pa chan an chang hle. MCF te an chungah kan lawm tak zet zet a, tluang taka in an thlen ngei kan beisei.

Innei

Official takin kan dawng lo nain kan member pahnih Larry leh Sang Sangi te chua Aizawlah an innei ta niin thu kan dawng. Duhsakna sang ber kan hlan e.

Nl. Jenny in hna thar

Nl. Jenny Zodinpuii pawhin Jan 2 khan a hna thar a zawm fel ta. Jenny thawhna thar Tan Tock Seng hospital hi Singapore a sawrkar hospital lar bera ngaih a ni. Hman deuhva SARS a len vak lai pawh khan he hospital hi damlo enkawlna hmunpui niin hming a chher hle.

Mizo pung zel

Singapore ah mizo kan pung zel. Pu Malsawmtluanga pawh a nupui leh a fapain an rawn zawm ve leh ta. Ti hian Singapore mizoten naupang pali lai kan nei ve ta a ni. Tin tunkar thawhtanni khan Aizawl Chanmari atangin Nl.Lalchhandami (Damteii) chuan dam takin Singapore a rawn thleng chho bawk. Nl.Damteii hian NUS a School of Medicine hnuaia Physiology department ah Ph.D a bei dawn a ni. Kal tharte Singapore mizo ten kan lawm ache u.

Friday, January 2, 2009

Singapore Mizoten Kumthar Hlim Takin Hmang

Singapore Mizo Christian Fellowship chuan kumthar lawmna hlimawm tak Japanease Garden, Seiwaen, Singapore-ah kan hmang a ni. Mi 75 zet kan kalkhawm thei a ni. Kan kumthar lawmna hmun hi Open Hall a ni a. Pathian biak inkhawm bakah intihhlimna hliawm tak kan nei a. Kum 2009 atana MCFS hruaitu ten charge an la nghal a. Ruai tui tak kan theh bawk a ni. Kan kumthar lawmna inkhawm hi Pu C. Vanlalramsanga (MCFS Adviser) in min kaihruai a, Revd C. Vanlalhruaia, kan adviser pa kumthar hmang tura lokal hnen atangin thuchah kan ngaithla a, Pastor K. Lalrinkima'n kum 2009 hruaitute charge hlanna leh tawngtaisakna a nei bawk a ni. Ruai tui tak kan kilho hnuah Intihhlimna hun hlimawm tak kan hmang zui a. Intihhlimna hun hi Pu F. Vanlalhruaia (MCFS Chairman) leh Tv Biakhmingthanga (MCFS Secretary) in hneh takin min kaihruai a, zai mawi tak tak kan ngaithla bawk a ni. MCFS kumthar lawmna hi khamlo takin tlailam dar 5 vel khan kan titawp a, khamlo zual mi thahnem takin zai leh lam in hun an hmang zui nghe nghe a ni. Kum 2009 kan zavai tan malsawmna leh vanneihna kum lo ni mawlh rawhse.

Kan hlim tlang hle...

Kan vaiin....

Kumthar chibai kan inbuk tawn vek a....

Ruai kan theh a...

Line pawh a thui ve hle...

Tui kan ti tlang hle....

Games hun hlimawm tak kan nei zui a....

A hnek a hnek chi te....

Balhla ei te....

Baloon ham te.....


Kan hlim tlang hle....

Kan tel kim hle...


A then chuan ban hnuah pawh zai an chhunzawm zel a...