Singapore Mizo Christian Fellowship - Christmas Celebration 2008

Singapore Mizo Christian Fellowship chuan Christmas lawmna hlimawm tak vawiin khan Singapore Botanic Garden, Function Hall-ah ruai nen hlim takin kan hmang a ni. Christmas lawmnaah hian za chuang zet kan kal khawm a. Kan programme tawp dawn lamah Mizoram lam atanga hospitality management zir tur a lo thleng thar mi 20 zetin min rawn zawm thei bawk a kan lawm in kan hlimtlang hle a ni. Christmas lawmna inkhawm hi Rev K. Lalrinkima'n min kaihruai a, Christmas thuchah tha tak a hnen atang hian kan ngaithla bawk a ni. Pathian biak inkhawm hi dar 11 AM ah kan tan a. Inkhawm zawh-ah ruai tui tak kan eiho a, intihhlimna leh gift exchange kan nei zui nghal bawk. Zaithiam tak tak-in Christmas lawm a kal te min awi a. Mipui pawhin Chirstmas hla tui takin kan sa dup dup a ni. Kalkhawm zawng zawng te mitin Christmas chibai inbuak tawnin, khawm lo takin kan hun chawhnu lam dar 4 vel khan kan ti tawp ta a ni. Hun tawp hnu hian mi engmawzat chuan Botanic Garden-ah zirlai lothleng thar te an lenkualpui zui a, tlai khua a lo thim tak avangin khamlo takin Kumthar lawmna 'Chinese Garden' lama inhmukhawm leh turin tin zai kan rel ta a ni. Thlalak thenkhat lo thlir ve ula.

Mizo lehkhazir tur lo thleng

Nimin Dec 22 2008 chhun dar 11:30 khan Mizoram atanga lehkha zir tura lokal mi 20 te chuan Singapore an lo thleng. Changi airport ah kan hruaitu thenkhatten an lo va hmuak a, mahse an zirna buaipuitute lamin bus nen lo hmuakin a huhovin an awmna tur lamah an hruai ta hlawm. Vawiin khan medical test te neiin buaipui tul ang ang an buaipui nghal bawk. An awmna address kimchang kan la dawng chiah lo. Tluang taka an lo thlen theih avangin kan lawmin Singapore Mizo ten inlawmna chibai kan lo buk e.

Remthu Leng Rawh Se

La Isua he khawvela a lokal khan van mipui te chuan, "Chungnung berah Pathian ropui takin awm rawh se, lei chunga a lawm em em mihringte hnenah remthu leng rawh se," an ti a. Berampu ten an beramte venga phula an riahchilh laiin heng van mipui te zai hi an lo hria a ni.

Krismas hi remna ni a ni a. Pathian leh suala tlu tawh mihringte inremna siamtu Lal Isua pian ni a ni. Lal Isua piang hian chu remna chu a rawn puang chhuak a, mihringte hi suala tlu tawh ni mah ila Pathian 'lawm em em' kan la ni a, kan la hlu hle tih a lang. Mahse chu kan hlutna chu kan hmang tangkai lova, min siamtu leh min hmangaih em em tu Pathian rilru tihnat nan kan hmang ta zawk thin. Fate sual leh thuawih lohvin nu leh pa rilru na lo tunge awm ngai le?

Engtinnge krismas tak tak kan hman theih ang? A lawmna hi nge pawimawh a mimal tin ten Lal Isua kan zuina kawnga hma kan sawnna zawk hi? Krismas hi inremna ni atan hmang ila. Inrem lohna nei zwng zawng te pawhin kan inremlohna te paih bovin Isua remna lal chauh enin inremna i zawng theuh teh ang. He remna a thlenna tur hian thil pahnihpawimawh tak tak a awm. Pakhatnaah chuan tlawmna. He tlawmna hi mihring hmaa tlawmna ni satliah mai lo Pathian hmaa tlawmna a nih a ngai. A dang lehah chuan mahni inphatna. Mahni inphat tur chuan keimahnia 'mahni' dah hmasakna hi kan paih bo a tul a, chan leh hloh huama ke pen a ngai bawk.

Lal Isua remna lal hi kan thinlung bawng inah lo piang theuh rawh se.

Singapore Mizo Christian Fellowship Christmas leh Kumthar Lawmna Programme

Singapore Mizoten hlim leh lawm taka Christmas leh Kumtar kan hman theihnan kan hotuten hma an la chur chur reng a, programme pawh mumal taka a hnuai a mi ang hian duan a ni ta:

.

Christmas Programme:

.

A hmun: Singapore Botanic Garden Function Hall

Tan hun: 11:00 AM

Hruaitu & Thuchah: Rev. K. Lalrinkima

Intihhlimna & Gift Exchange: Pu Lalrengpuia & Pu Valbuanga

Ei leh In i/c: Pu F.V.L. Hruaia, Pu Valbuanga, Tv Joshua leh Tv Biakhmingthanga

Ruai: 3 - 5 PM

Christmas hmanna hmun info:

http://www.sbg.org.sg/visitorinfo/venueforrent.asp

.

.

New Year Programmme:

A hmun: Chinese Garden

Tan hun: 12:00 Noon

Hruaitu: Pu C. Vanlalramsanga

Thuchah: Rev. K. Lalrinkima

Kum 2009 atana hruaitu thar thlan tharte kutah charge hlan a ni ang.

Ei leh In i/c: Pu Malsawmsanga, Nl. Vanlalhruaii, Nl Rosangliani leh Tv Joshua

Ruai: 2 -4 PM

Kumthar hmanna hmun info:

http://www.jtc.gov.sg/portfolio/gardensandparks/pages/chinesegarden.aspx

.

Kan programme duan lawk ang ngeia hlim taka Christmas leh kumthar lawmna hun kan hman theihnan kan tawngtainaah i hre theuh ang u khai. He hunah hian mikhual leh zinvak tupawh kan sawm vek a ni tih kan in hriattir bawk e.

.

Chirstmas leh Kumthar Chibai ...

Singapore Christmas Urlawk Part II

Tun tum chu Orchard Road lam vethung. Kum tin an tih thin angin kuminah pawh Orchard road chu a mawi leh chheng chheng hle a ni. Chrismas rim a nam veng veng mai a ni. Christmas shopping nei te duhsakna leh nuam taka Christmas hun an hman theihnana urlawk nan kawtthler leh dawr chhung hrang hrang mai tak leh uar takin an chei leh tawh a, an chei mek bawk a ni. Thlalak kan tarlan te chi chawhnu her a lak anni a. Zan lam-ah chuan heng decoration te hi nalh takin a eng thung a ni. Singapore Orchard road a Chirstmas ropui taka urlawk mup mup thla hi lo thlir ve tehreng u.

Singapore Zoo Sakei Var in mihring a seh!

Singapore sahuanah Sakei varin mihring a bei chiam mai... He thil hi November thla laihawl vela thleng niin sawi a ni a. Malaysian mi sahuan a thawk (hmunphiat) Mr. Nordin, kum 32 mi niin sawi a ni. Sakei hian a nghawng-ah a seh a vangin chhan anih hnu reilote-ah a boral zui ta mai niin report a awm. A thih dan leh sakei awmna a a zuanluh mai dan kimchang hi official source hmuh a ni rih lo a. A kimchang chhui leh enfiah mek a ni - By Pu F.VL Hruaia

Mizo lo thleng tur

Mizoram atanga Singapore a lehkha zir tur mi 10 vel naktip mai khian an lo thleng dawn niin kan hria a. Singapore Mizoten kan lo lawm ache u. Kan blog hi in hman tangkai kan beisei. Tul leh pawimawh apiang chu min rawn zawt dawn nia.

December ni 7, 2008 MCFS inkhawm

Vawiin MCFS inkhawm chu tum dang aiin a nuam chho zel emaw tih tur a ni. Vawiin hian 2009 hruai tu thar thlanna kan nei. Kan pastor Revd. K. Lalrinkima leh Pu. C. Vanlalramsanga ten min kaihruaia. Hlawhtling taka inthlanna neih zawh a ni. Hruaitu thar duhawm tak tak kan nei thar a, a lawmawm hle a ni. Vawiin inkhawm hi mi 39 lai kan ni. Chrismas kan urlawk ta tluk tluk mai le, vawiin pawh Krsimas hla hlir kan sa nghe nghe a ni. December ni 21 hian chin-combine inkhawm neih leh tur a ni a, MCFS ten zaipawl neih theih ngei kan beisei bawk a ni.

Singapore Christmas Urlawk Part I

Singapore lamah chuan Christmas boruak a lian tan hle. Shopping mall leh khawthler hmun hrang hrang an chei mawi leh tan ta hle. Amaherawhchu heng Christmas urlawkna zawng zawng hian Krista lam a hawi em em lemlo thung. Tuntumah hian Harbour Front leh Vivo City thlalak tlem kan han tarlang e (A lian a en i duh chuan thlalak hi click keuh mai rawh). Part II lamah Orchard Road tarlan kan tum dawn nia.

Vivo City GF Lobby

Vivo City Roof Top (tah hian new year 2009 countdown party neih a ni dawn bawk a ni)


Harbour Front Shopping Mall

Harbour Front Shopping Mall

Singapore Mizote Pung Zel

Singapore Mizote kan pung zel. Thlakhatah vawi thum inkhawmin kan inkhawm apiang hian kal thar (vawikhat inkhawmna) mi pahnih/thum nei zel ang kan ni. Kan inkhawm hi a tlangpuii 30-40 niin kan that deuh tumin 60 kan chuang. Kristmas hmang turin kan inruahman tan mek a, kan hruaitute an vir vat vat mai. Sial leh vawk talh kan chak hle laiin a buaithlak deuh avangin talh sa lei kan tum ta zawk.

Sex thamna la

Singapore immigration and Checkpoints Authority a hruaitu lawk chu sex thamna a lak avangin a chungthu rel mek a ni. Chung Cheng Weng kum 58 mi Chief immigration and Checkpoints Specialist ni thin hian Dec 2006-April 2007 chhung khan chinese hmeichhe pakhat hnen atangin mipat hmeichhiat hmanpui thamna vawi nga a la a, a special permit tihnun kawngah a pui thin niin hriat a ni. Thiam loh a chan chuan kum 5 lung in leh Singapore Dollar 100,000 chawi a khawi zawk zawk emaw, a pahnih hnih emawa hrem ani ang.

Ni 30 November Singapore Mizo Inkhawm

Vawiin Singapore Mizo inkhawm chu ruahpui in kal hunlai takin min nangching nachungin mi 39 zet mai kan inkhawm thei ta tho mai a, a ropui khawp mai. Pu C. Vanlalramsanga'n kan inkhawm min kaihruai a, Nl. Malsawmi'n zai mawi takin min awih hnuah Rev K. Lalrinkima hnen atangin thuchah ropui tak kan ngaithla zui a ni. Singapore Mizote Krismas boruak in min chiah tan hle mai a, vawiin kan inkhawm pawh Krismas hla hlir kan sa ta. Inkhawm chhungin ruah a sur churh churh a, inkhawm ban lamah erawh khua a tha leh vawl vawl hle thung. Singapore nuho inkhawm ban thlalak tlem a hnuai-ah hian:

Pi Rosey, Sawmtea, Pi Hannah leh Pi MSi (right to left)

Pi Hannah, Pi Rosey leh Pi MSi (right to left)

Pi MSi, Nonie, Pi Hannah, Jonathan (in the pram), Pi Rosey, Rev Kima (right to left)

Eiru hrem

Tunkar tir khan company a hnathawk mi pahnih chu an thawhna company sum an lo eiruk avangin court in thiam loh a chantir a, kum 3 leh a chanve leh kum 4 tang turin an chungthu rem a ni. Kum 4 tang tur hi Kenyan national niin Singapore Permanent Resident a ni a, Singapore Dollar nuai 4 aia tam a lo ei ru. Kum thum leh a chanve tang tur zawk hi Singapore mi niin Singapore Dollar nuai hnih deuh thaw a lo eiru bawk. Singaporeah hian eiru lama inhremna sang ber chu kum 15 Lung In tan leh pawisa chawi a ni.

Singapore Mizo Krismas leh Kumthar LAwm Turin Inpuahchah

Pathianni Mizo inkhawm hnuhnung bera kohhran mipuite rel angin Singapore Mizote chuan Krismas leh Kumthar lawm turin kan inpuahchah ta mup mup mai! Kan hotuten tihtur leh bawkzui tul ang ang an bawkzui zar zar a, Krismas leh Kumthar lawmna hlimawm leh hlawk tak kan neih ngei a rinawm a ni. Mitinin kan tawngtainaah kan hriat tlan theuh a tul hle awm e.

Kan hun hmandan kimchang chu kan rawn tarlang thuai turah ngai ila. Krismas ni leh Kumthar ni kha nipum in lo indahawm phawt mai teh ang u khai.

He hunah hian Singapore a Mizo awm zawng zawng lo tel ngei turin kan insawm a, khualzin leh Singapore rawn tlawh hetih huna Sinagpore a awm zawng zawng pawh kan sawm tam meuh meuh bawk a ni.

Singapore Internet

Singapore mi 75% hian internet connection an neia chhut a ni a. Heng zinga 10% hian inbiak vel nana hmangin 12% hian online game khelh nan an hmang ber.

Singapore Prime Minister leh Minister te hlawh a tlahniam

Global fiancial crisis nghawng kal zelah Singapore Prime Minister hlawh chu 19% in tih tlem ani a, minister ho hlawh pawh 18% in tihtlem ani bawk. Tihhniam hnu hian Prime Minister hian kumkhatah USD 1.99m a la ang a, Minister ho hian USD 1.57m an la thung ang.

Khawhar

MCF Singapore Treasurer Nl. Kapzawni pu ( nu nuta) Pu Lalhmingthanga kum 66 Tahan chu tukin zing khan ama chenna inah lungphuchawlin a boral. Pu Lalhmingthanga hi a hriselna tha lo chu inenkawlin a that ve chhoh lai tak niin hriat a ni a. Zinga an kaitho tur chu a lo thaw tawh lo a ni. Khawhar chhungte kan tuarpui takzet a. A bik takin KZ -i kan tawngtaisak. Pathianin awmpui mawlh rawh se.

ni 16 inkhawm

Ni 16 chawlhni khan MCFS inkhawm mi 41 kan nia. kan hlim tlang hle a ni. Inkhawm ban hian meeting kan nei a. Chrismas leh Kum thar hman dan tur kan rel ho. Inkhawm thar mi pa 4 kan nei a, a lawm awm khawp mai. Singapore ah MIZO te kan pung zel hi pathian malsawmna a ni.

Rev. Ramthangan Min Hawsan Ta

Kumkhat zet Singapore Mizote min huikhawma lehkhazir chunga Mizo fellowship te min uap lum hnuin Rev. Ramthanga chuan vawiin khan Myanmar lamah min hawsan tain Changi airport ah "Adios' tiin kan inthlah liam ta. Chhun dar 12:10 khan thlawk chhuakin dar 2:40 pm vel khan Yangoon thleng tura beisei a ni. A rual hian Nl. Lalawmpuii tuna M.Th zir mek pawh chawlh hmangin a haw ve bawk.

Rev. Ramthanga hian a zirlaite zo mahse graduation day hi kumtin May thlaah anih thin vangin degree chu a la hawn tel lova. Nakkum 2009 May thlaa graduation day-ah M.Min degree pek a ni ang. A rawngbawlnaah midangte tana malsawmna thlentu anih zel kan beiseiin duhsakna kan hlan e.

MCFS inkhawm tha

MCFS nimin November ni 2 a inkhawm chu MCFS history a inkhawm tam tum ber la niin mi 63 zet kan inkhawm thei. Member hlui leh MCFS dintute zinga mi te lo tel leh theiin mi thar 3 lawmluh an ni bawk. Kan han inkhawm that deuh chuan Pathian biakna hmun lian zawk kan mamawh hle tih a lang.

Rev Ramthanga thlahna

Inkhawm hi dan pangngaiin thlatina Pathianni hmasaber sacrament inkhawm a ni a, Rev.Ramthangan buatsaihin kum khat lai helaia min uap hnua a Pathianni inkhawm hnuhnung ber tur min hmanpuiin sacrament thuchah tha tak kan ngaithla a, a lunglenthlak dawn khawp mai. Zaithiam mimal leh group pali lai mai an inlar bawk a. Singapore Mizote kan nep loh zia thu leh thitihin an lantir. Zaithiam dangte pawh kha i lo intuaihriam sauh sauh teh ang u. 'Zaithiam hnam' tia hrait kan ni lawm ni kha?

Rawngbawl tura chhandam, a part kimin....

Mahni hlaphuah ngat sain!!!

Inkhawm banah Rev.Ramthanga leh Pu Lawmkima te haw tur thlahna inkhawm tawite neih zui a ni a. Hemi hnu hian thlahnan resfreshment tuihnai tak kan eiin kan inho. Kan nula leh tlangvalte che vel a hmuhnawmin Singaproe Mizote phur leh nuam ti taka kan han phu mam mam mai han hmuh chaun mahni rama awm kan ni lo tih pawh intheihnghilh mai awl tak a ni. Pu Lawmkima hi tuna Singapore a mizo awm zingah chuan a senior ber group a mi kum 8 chuang zet lo awm tawh a ni a, tuna min hawsan tur hi MCFS tan a khawharthlak dawn khawp mai. Rangoon a a nupui fanaute nghakhlel taka lo beisei tute tan erawh chuan lawmna hun a inhawng ve thung ang chu. Anni pahnih haw tur hi MCFS ten duhsakna leh malsawmna kan hlan a. An rawngbawlna leh hnathawhnaah pawh Pathianin a awmpui zui zel kan beisei. Anni pahnih lo pawh hi zirlai chawlh hmanga haw tur te pawh an awm a, tluang taka an hawn a dam taka an lokir leh kan duhsak e.

Rev Ramthang thlahna ei leh in...